Džym, Džon ci Džo? Praviercie, ci zmožacie vy razabracca ŭ hetaj łahičnaj hałavałomcy
Sardečna zaprašajem znoŭ u krainu rycaraŭ i ašukancaŭ, dzie jość tolki dva typy ludziej: rycary, jakija zaŭsiody kažuć praŭdu, i šachrai, jakija zaŭsiody chłusiać. Siońnia my paznajomimsia ź niekatorymi ź ich bližej.
19.09.2023 / 16:58
Vyjava: vecteezy
Zadača
Na vostravie rycaraŭ i ašukancaŭ da vas źviartajucca try čałavieki: Džym, Džon i Džo.
Džym kaža: «Prynamsi adno z nastupnych śćviardžeńniaŭ praŭda. Džo — šachraj. A ja — rycar».
Džon kaža: «Džym moža śćviardžać, što ja šachraj».
Džo kaža: «Ni Džym, ni Džon nie rycary».
Dyk chto ź ich rycar, a chto chłus?
Padkazka
Najlepšaj stratehijaj rašeńnia budzie — vybrać śćviardžeńnie; vykazać zdahadku, što jano praŭdzivaje; i tady pahladzieć, ci ŭsio sychodzicca tak, kab śćviardžeńnie sapraŭdy było praŭdaj. Kali vy zajšli ŭ tupik abo znajšli supiarečnaść, pasprabujcie inšaje śćviardžeńnie. Adkaz znojdziecie nižej.
Vyjava: vecteezy
Rašeńnie
Kluč da razhadki hetaj zahadki pra rycaraŭ i ašukancaŭ zaklučajecca ŭ zdahadcy, što śćviardžeńnie Džo nasamreč praŭda.
Śćviardžeńnie Džo źjaŭlajecca samym prostym dla pravierki, tak što davajcie pačniem ź jaho. Džo skazaŭ: «Ni Džym, ni Džon nie rycary». Davajcie vykažam zdahadku, što Džo — rycar i havoryć praŭdu, a Džym i Džon — ašukancy i chłusiać.
Džym skazaŭ: «Prynamsi, adno z nastupnych śćviardžeńniaŭ praŭda. Džo — šachraj. A ja — rycar». Kali Džym sam źjaŭlajecca šachrajom i chłusić, to ni adno z hetych śćviardžeńniaŭ nie adpaviadaje rečaisnaści, i tamu Džo — sapraŭdy rycar, a Džym — sapraŭdy šachraj. Pakul heta sychodzicca z našaj zdahadkaj, što Džo kaža praŭdu.
Džon skazaŭ: «Džym moža skazać, što ja šachraj». Kali Džon chłus, jak kaža Džo, to i Džonava śćviardžeńnie taksama chłuśnia. Heta taksama sychodzicca, tamu što Džym nie moh by nazvać Džona šachrajom, bo heta było b praŭdaj, a my miarkujem, što Džym — chłus.
Takim čynam, Džo — rycar, a Džym i Džon — podłyja sieksoty.
Čytajcie taksama:
Ci zmožacie vy zapoŭnić šklanku pry dapamozie zapałak — hałavałomka dla amataraŭ fiziki
Prablema padpalenaha knota — ci zmožacie vy rašyć hetuju matematyčnuju hałavałomku