Radyja pakazać sieryju nieskładanych zadač na łohiku ad časopisa Popular Mechanics, dziejańnie ŭ jakich adbyvajecca ŭ da bolu znajomaj krainie, dzie žyvuć rycary i ašukancy. Rycary zaŭsiody havorać praŭdu (na toje jany i rycary), a ašukancy-machlary, adpaviedna, zaŭsiody chłusiać.
Amierykanski matematyk i muzyka Rejmand Smaljan (Raymond Smullyan) zhadvaŭ hety typ hałavałomak u svajoj knizie 1978 hoda «Jak nazyvajecca hetaja kniha?» Mahčyma, vy pamiatajecie hałavałomku pra rycaraŭ i ašukancaŭ z fentezi-filma 1986 hoda «Łabirynt» z Devidam Boŭi ŭ hałoŭnaj roli.
Zadača
To ž kab azadačycca pytańniem u krainie rycaraŭ i ašukancaŭ, dastatkova prosta raspačać razmovu z hetymi rycarami i hetymi ašukancami. Takim čynam da Vas padychodziać dva čałavieki. Pieršy kaža: «My abodva chłusy». Dyk chto jany nasamreč?
Padkazka
Popular Mechanics prapanuje spačatku padumać, ci nie źjaŭlajecca pieršy ź ich rycaram.
Rašeńnie znojdziecie nižej.
Rašeńnie
Pieršy čałaviek nie moža być rycaram. Rycary zaŭsiody havorać praŭdu, tamu, kali b jon byŭ rycaram, jon by vam heta skazaŭ. Zamiest hetaha jon kaža: «My abodva chłusy».
Kali pieršy čałaviek — ašukaniec, to jon pavinien byŭ schłusić. Heta aznačaje, što jany abodva nie mohuć być ašukancami. Takim čynam, pakolki my ŭstalavali, što pieršy čałaviek — ašukaniec i chłus, to druhi (jaki ničoha nie skazaŭ) pavinien być rycaram.
Lohka? Što ž, mažliva, nastupnaja zadača z hetaj sieryi akažacca nie takoj prostaj.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary