Усяго патроху

З'явілася ВІДЭА, як у Налібоцкай пушчы сям'я ваўкоў ратуе ваўчанят ад мядзведзя

Сям'я ваўкоў, якая пачула набліжэнне да свайго логвішча мядзведзя, трапіла ў аб'ектыў адной з фотапастак у Налібоцкай пушчы. Дарослыя ваўкі адразу ўзяліся ратаваць ваўчанят ад мацнейшага за сябе драпежніка.

Скрыншот з відэа

На кадрах, якія з'явіліся ў сеціве, відаць, як дарослыя ваўкі ноччу аглядаюць ваколіцы і шукаюць ежу для сваіх маленькіх ваўчанят. Увагу аднаго з ваўкоў прыцягнулі сляды, пакінутыя мядзведзем паблізу логвішча.

Пасля таго пара дарослых ваўкоў пачала перацягваць малых у іншае, больш бяспечнае месца, перасякаючы пры гэтым невялікі вадаём, каб збіць мядзведзя са следу.

На відэа з'яўляецца і сам мядзведзь, які ідзе за ваўкамі да вадаёма, аднак у ваўкоў атрымоўваецца прагнаць буйнога драпежніка ад месца, дзе яны схавалі сваіх дзіцянятаў.

Чытайце таксама:

«Гляджу, што яна ідзе ў мой бок. Я хутка сеў у машыну». У Докшыцкім раёне мядзведзі знішчылі поле з аўсом у фермера

Пад Чэрвенем мядзведзь пасяліўся на кукурузным полі побач з хатамі

У Беларусі створаць новую Чырвоную кнігу і выключаць з яе некаторыя віды

Мядзведзь наведаўся ў элітны катэджны пасёлак пад Мінскам

Каментары да артыкула