Усяго патроху55

«Гляджу, што яна ідзе ў мой бок. Я хутка сеў у машыну». У Докшыцкім раёне мядзведзі знішчылі поле з аўсом у фермера

Мядзведзі знішчылі фермерскае поле з аўсом недалёка ад вёскі Ускром'е ў Докшыцкім раёне, паведамілі ў эфіры тэлеканала «Беларусь 1». 

Прагулкі жывёл мясцовыя жыхары знялі на відэа: яны не саромеючыся заходзілі ў вясковыя сады і руйнавалі вуллі.

Шмат клопатаў мядзведзі даставілі мясцоваму фермеру Леаніду Юхнаўцу, знішчыўшы плантацыю аўса. Як вынік — мужчына з шасці гектараў сабраў менш за траціну ўраджаю.

«Я думаў, падыду бліжэй і спалохаю мядзведзіцу. Падышоў на метраў 60-70 і рэзка як крыкнуў, а паміж мною і ёй у аўсе было медзведзяня. Мядзведзіца адразу стала на заднія лапы, чмых — і да мяне. Гляджу, што яна ідзе ў мой бок. Я хутка сеў у машыну», — расказаў пра сустрэчу з мядзведзямі Леанід Юхнавец.

Вяскоўцы, як паведамляецца, напалоханыя такім суседствам. Яны перажываюць не толькі за сапсаваны ўраджай, але і за свае жыцці, таму па вечарах больш сядзяць па хатах і баяцца нават днём хадзіць у грыбы.

Колькасць бурага мядзведзя апошнім часам узрасла ў паўтара-два разы, сцвярджаюць навукоўцы Бярэзінскага біясфернага запаведніка. Цяпер на яго тэрыторыі пражываюць каля сотні асобін. А ў цэлым у Віцебскай вобласці колькасць касалапых вырасла да тысячы. Гэта больш за 70 % усіх мядзведзяў, якія жывуць на тэрыторыі Беларусі.

Старшы навуковы супрацоўнік запаведніка Аляксандр Рак каментуе сітуацыю так:

«З-за таго што колькасць мядзведзя ўзрасла на тэрыторыі Беларусі, мы ў найбліжэйшы час з гэтым нічога не зможам зрабіць, нават, напрыклад, нейкае інтэнсіўнае паляванне не ўратуе, таму што з'явяцца падранкі. Магчыма, канфліктаў з чалавекам стане нашмат больш.

Таму насельніцтву Беларусі, у прыватнасці, паўночным рэгіёнам, Віцебскай вобласці трэба неяк вучыцца жыць з мядзведзем. У прынцыпе, людзі раней жылі з мядзведзем, гэта нармальна. Перш за ўсё трэба сябе пазначаць сябе ў лесе. Што гэта азначае? Пляскаць у ладкі, напрыклад, уключаць музыку, гучна размаўляць».

Чытайце таксама:

Пад Чэрвенем мядзведзь пасяліўся на кукурузным полі побач з хатамі

У Беларусі створаць новую Чырвоную кнігу і выключаць з яе некаторыя віды

Мядзведзь наведаўся ў элітны катэджны пасёлак пад Мінскам

Мядзведзя сустрэлі ў Бараўлянах, за 100 метраў ад жылых дамоў

Каментары5

  • Овес
    27.08.2023
    До первой трагедии а потом уже зачешутся.
    • Правдоруб
      27.08.2023
      Овес, у режима есть жертвы, у мишек - нет!...
  • Матроскин
    27.08.2023
    Надо отлавливать и расселять по всей Беларуси. Только где же денег взять, если всё уходит на красавцев и наёмников. А вы там оставайтесь один на один с медведями, всем плевать. 
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Слова «Унаватуна» значыць «рай». Дзе на Шры-Ланцы адпачывала Мельнікава13

Слова «Унаватуна» значыць «рай». Дзе на Шры-Ланцы адпачывала Мельнікава

Усе навіны →
Усе навіны

На Канскім фестывалі забаранілі «голыя» сукенкі2

Кобрынскі блогер паказаў, як вырабляюцца легендарныя «Мясныя падушачкі»9

У беларуса, што некалькі дзён таму з пагоняй затрымлівалі ў цэнтры Варшавы, знайшлі кілаграмы наркотыкаў9

«Эканамічная газета» спыніла існаванне3

Маладых мазырскіх скінхэдаў з «Духа Русі» будуць судзіць за «прапаганду тэрарызму»8

ПВК «Вагнер» могуць з Афрыкі перавесці ў Беларусь10

Дорага і з гнільцой: што робіцца з бульбай у крамах пасля праверак2

Фальсіфікацыі ў даследаваннях хваробы Альцгеймера. Як вынікі прывялі не туды20

На МКАД можа з’явіцца чацвёртая паласа — для ціхаходнага транспарту і спецтэхнікі2

больш чытаных навін
больш лайканых навін

Слова «Унаватуна» значыць «рай». Дзе на Шры-Ланцы адпачывала Мельнікава13

Слова «Унаватуна» значыць «рай». Дзе на Шры-Ланцы адпачывала Мельнікава

Галоўнае
Усе навіны →

Заўвага:

 

 

 

 

Закрыць Паведаміць