Pad Baranavičami pradajecca niezvyčajny dom u vyhladzie karabla
Niezvyčajny dom u vyhladzie karabla znachodzicca ŭ vioscy Vialikaja Vałachva Baranavickaha rajona. Ciapier jaho pradajuć, zaŭvažyła miascovaje vydańnie Bar24. Abjava ab prodažy niezvyčajnaha abjekta nieruchomaści źjaviłasia 29 žniŭnia.
29.08.2023 / 23:35
Brusčaty dom u formie karabla byŭ pabudavany ŭ vioscy Vialikaja Vałachva ŭ 2013 hodzie. Jon draŭlany, adnapaviarchovy, ahulnaja płošča — 110 kvadratnych mietraŭ.
Niezvyčajnaja ŭ hetym budynku nie tolki jaho forma. Usie vokny ŭ domie kruhłyja i nahadvajuć iluminatary.
U abjavie havorycca, što ŭ budynku jość usie nieabchodnyja dla kamfortnaha žyćcia kamunikacyi.
«Usio vielmi dahledžana i ź luboŭju. Dom-karabiel možna zdavać u arendu dla praviadzieńnia śviataŭ, dla adpačynku ŭ łaźni i h. d», — piša aŭtar abjavy.
Dom pradajecca za 70000 dalaraŭ u ekvivalencie, uładalnik hatovy razhledzieć varyjanty abmienu.
Čytajcie taksama:
Ci nie stanie Novaja Baravaja spalnikam i ci płanuje jaje zabudoŭščyk iści ŭ rehijony?