Siońniašni avijarejs Minsk — Pskoŭ skasavany. Jon tolki miesiac tamu źjaviŭsia ŭ raskładzie
Avijarejs Minsk — Pskoŭ, jaki byŭ uviedzieny tolki 19 lipienia, siońnia skasavany. Aeraport Pskova, na jaki nočču była ździejśnienaja bujnaja ataka bieśpiłotnikami, zakryty.
30.08.2023 / 12:12
Paśla ŭviadzieńnia sankcyj na biełaruskuju avijahalinu ŭ suviazi z prymusovaj pasadkaj samalota z Ramanam Pratasievičam i z saŭdziełam u raźviazvańni vajny biełaruski bok šukaje roznyja mahčymaści raźvivać biznes. Łukašenka naviedvaŭ aeraport Minsk z patrabavańniem rabić heta, niahledziačy na sankcyi.
19 lipienia byŭ adkryty rejs Minsk — Pskoŭ. Rejsy płanavalisia ŭ sierady i suboty.
Biełaruskaje telebačańnie zrabiła z hetaj nahody pafasny siužet.
«Biełaruski bort staŭ dla Pskoŭskaha mižnarodnaha aeraporta pieršym zamiežnym za apošnija hadoŭ dziesiać», — kazała STB.
Siońnia na tabło — skasavańnie rejsa.
Učora na aeraport Pskova była ździejśnienaja bujnaja ataka bieśpiłotnikami, paškodžanyja i źniščanyja nie mienš za 4 samaloty. Pavodle papiaredniaj infarmacyi, aeraport budzie zakryty da kanca vieraśnia.
Čytajcie taksama:
«Čas latać na svaich». Parchomčyk zajaviŭ, što Biełaruś rychtujecca vypuskać svaje samaloty
«Biełavija» prypyniaje akazańnie šeraha pasłuh
Na borcie adnaho z samalotaŭ «Biełavija» adbyłasia razhiermietyzacyja