U Słaŭharadskim rajonie ad ukusu hadziuki pamior 66-hadovy mužčyna
Piensijanier basanož išoŭ u łaźniu, pa darozie jaho za stupniu ŭkusiła hadziuka. Jon nie nadaŭ hetamu značeńnia, ale praz paru dzion jamu stała drenna, adnak i tady, kali pryjechała chutkaja, jon pramaŭčaŭ pra ŭkus.
30.08.2023 / 13:46
Skrynšot videa SK
66-hadovy žychar Mahilova pryjechaŭ na lecišča ŭ viosku Lubany razam z synam. Dniom 20 žniŭnia mužčyny rastapili łaźniu, dzie płanavali viečaram adpačyć, paviedamlaje SK.
Piensijanier basanož išoŭ u łaźniu, dzie pa darozie jaho za stupniu ŭkusiła źmiaja. Pieršapačatkova jon nie nadaŭ hetamu značeńnia, ale praz paru dzion jamu stała drenna.
Syn vyklikaŭ chutkuju, ale baćka admoviŭsia jechać u balnicu, pry hetym pramaŭčaŭšy pra ŭkus. Z kožnym dniom jamu stanaviłasia ŭsio horš i praz tydzień mužčyna pryznaŭsia miedykam, što jaho ŭkusiła źmiaja. Piensijaniera terminova špitalizavali ŭ reanimacyjnaje adździaleńnie, ale, niahledziačy na namahańni daktaroŭ, vyratavać mužčynu nie ŭdałosia.
Jak miarkujecca, piensijanier zahinuŭ ad ukusu hadziuki.
Čytajcie taksama:
U Tałačynskim rajonie žančynu da śmierci zakusali vosy
U Viciebskim rajonie sotni šeršniaŭ atakavali ludziej na turbazie, adnaho čałavieka ledź adratavali