Miadźviedź na miažy Litvy ź Biełaruśsiu prateściravaŭ nadziejnaść pamiežnaha płotu VIDEA
U sacyjalnych sietkach stała raspaŭsiudžvacca videa miadźviedzia, jaki sprabuje pieraleźci praz pamiežny płot. Nie zdoleŭšy pieraadoleć jaho praź vierch, miadźviedź sprabavaŭ padkapacca pad aharodžu, a paśla razburyć jaje. Litoŭskija pamiežniki paćvierdzili, što hety incydent sapraŭdy zafiksavany ŭ Litvie kala miažy ź Biełaruśsiu, paviedamiŭ litoŭski telekanał Tv3.lt.
02.09.2023 / 01:22
Skrynšot ź videa
U siužecie adznačajuć, što miadźviedziaŭ ciapier vielmi šmat žyvie ŭ Biełarusi, a taksama niamała ich u Estonii i Łatvii. A voś u Litvie jany stała žyvuć vielmi redka i tolki praź jaje mihrujuć — ci ź Biełarusi na poŭnač, ci z poŭnačy ŭ Biełaruś.
Spačatku miadźviedź, źniaty na videa, vielmi sprytna załazić na aharodžu, ale pieraleźci praź jaje na biełaruski bok jamu nie ŭdajecca — nie puskaje kalučy drot. Tady źvier złazić i sprabuje padkapacca pad płot, ale i heta plonu nie daje. Urešcie, raźjušanaja žyviolina sprabuje pierakulić płot, bje pa im davoli mocna, ale aharodža staić.
Vierahodna, adnak, što niejkaje vyjście miadźviedź urešcie znajšoŭ. Naprykład, pierabraŭsia ŭ Biełaruś praz raku — miadźviedzi dobra płavajuć, a na rekach aharodžy nie staviać.
Litoŭskija pamiežniki paćvierdzili, što kadry byli źniatyja ŭ Litvie, u Śviancianskim rajonie. Miadźviedź sapraŭdy sprabavaŭ pierajści praz aharodžu ŭ Biełaruś 18 žniŭnia i, napeŭna, taki znajšoŭ darohu dy ŭžo chodzić ź inšaha boku.
Pa słovach litoŭskich pamiežnikaŭ, uletku jany bačyli na terytoryi Litvy dvuch miadźviedziaŭ. Adzin ź ich błukaŭ u Śviancianskim rajonie, a druhi — u Salečnickim, u tak zvanaj Dziavienišskaj piatli.
Čytajcie taksama:
Źjaviłasia VIDEA, jak u Nalibockaj puščy siamja vaŭkoŭ ratuje vaŭčaniat ad miadźviedzia
Pad Červieniem miadźviedź pasialiŭsia na kukuruznym poli pobač z chatami
U Biełarusi stvorać novuju Čyrvonuju knihu i vyklučać ź jaje niekatoryja vidy