Łukašenka nie pajedzie na siesiju Hienieralnaj asamblei AAN u ZŠA
Ministerstva zamiežnych spraŭ vydała paviedamleńnie ab udziele delehacyi ad Respubliki Biełaruś u 78-j siesii Hienieralnaj Asamblei AAN. Jaje ŭznačalić ministr zamiežnych spraŭ Siarhiej Alejnik.
18.09.2023 / 17:10
Budynak AAN u Ńju-Jorku. Fota: Getty Image
78-ja siesija Hienieralnaj Asamblei AAN projdzie z 19 pa 24 vieraśnia. Zvyčajna na jaje zaprašajucca kiraŭniki ŭsich dziaržaŭ, i mnohija navat samyja adyjoznyja palityki časta vykarystoŭvajuć hetuju trybunu, kab asabista raskazać, kudy jany viaduć svaje krainy. Ale Łukašenka ŭ ciapierašniaj situacyi jeździć na Zachad nie ryzykuje, jak i Uładzimir Pucin. Rasiju na forumie budzie taksama pradstaŭlać ministr zamiežnych spraŭ Siarhiej Łaŭroŭ.
Delehacyja ad Łukašenki, jak anansujecca, źbirajecca svaju ŭvahu «zasiarodzić na zadačach pa prasoŭvańni kansalidujučaha i stvaralnaha paradku dnia, jaki padkreślivaje mirny charaktar našych nacyjanalnych pryjarytetaŭ, supraćdziejańni inicyjatyvam, nakiravanym na padryŭ nacyjanalnych intaresaŭ našaj krainy».
Taksama ŭ AAN Alejnik budzie havaryć pra «adnabakovyja prymusovyja miery, u pryvatnaści, ich niehatyŭny ŭpłyŭ na ŭstojlivaje raźvićcio asobnych krain, cełych rehijonaŭ, suśvietnuju ekanomiku i handal, ich supiarečnaść mižnarodnamu pravu».
Vystupleńnie Alejnika z trybuny AAN čakajecca 23 vieraśnia.
17—23 vieraśnia Ńju-Jork źbirajecca naviedać i Śviatłana Cichanoŭskaja, u prahramie vizitu jakoj taksama zapłanavany ŭdzieł u padziejach Hienasamblei AAN. Cichanoŭskaja źbirajecca siarod inšaha sustrecca z šeraham upłyvovych palitykaŭ.
Čytajcie taksama:
Za kulisami Hienasamblei AAN: voś jak Łukašenka prajhraŭ Słavienii 38:153
Vydača mižnarodnaha ordara na aryšt padryvaje ŭstojlivaść ułady — ekśpiert
Viačorka patłumačyŭ, u čym važnaść vizitu Cichanoŭskaj u Jeŭraparłamient i na Hienasambleju AAN