У Гродне затрымалі айцішніка. Зноўку за каментары ў тэлеграм-чатах
Некаторыя з гэтых каментароў маглі выдаць і яго асобу.
20.09.2023 / 17:06
Андрэй Бурдзеня. Фота: ягоная старонка «УКантакце» (архіўная копія)
Затрыманаму Андрэю Бурдзеню 42 гады. Ён з Гродна, вучыўся ў школе №6, а пасля служыў у арміі. Вядома, што цяпер ён часова не працуе, але раней нейкі час працаваў у IT-сферы, а яшчэ раней займаўся вытворчасцю кухоннай мэблі і меў сваё ІП.
Андрэя затрымалі за каментары ў тэлеграм-чатах, якіх ён пакінуў больш за тры сотні. Ягоны акаўнт у тэлеграме падпісаны ўласным імем Андрэй — невядома, ці «шукаецца» ён па тэлефонным нумары і ўвогуле як добра абаронены, але гэта моцная зачэпка. Да таго ж ён пісаў даволі шмат асабістай інфармацыі ў каментарах.
У тэлеграм-канале ГУБАЗіКа сцвярджаецца, што «цяпер мужчына адкажа згодна з крымінальным заканадаўствам». Звычайна гэта значыць, што супраць чалавека заведзена крымінальная справа і неўзабаве яго перавядуць у СІЗА.
Чытайце таксама:
Тлумачым, якім чынам сілавікі знаходзяць карыстальнікаў Telegram і як гэтага пазбегнуць