Akazvajecca, AirPods zdolnyja acaleć navat u straŭnikavym soku. Heta vypadkova vyśvietliła adna z karystalnic
Amierykanka Mo Kenedzi daviedałasia, što biespravadnyja navušniki ad Apple pracujuć navat paśla znachodžańnia ŭ straŭnikavym soku. Ale pravieryła jana heta na sabie i zusim nie naŭmysna. Pra hetu historyju 18 vieraśnia napisaŭ partał AppleInsider.
22.09.2023 / 22:11
Mo Kenedzi paśla apieracyi pa vymańni navušnika AirPods ź jaje straŭnika. Fota: Moe Kennedy
Jašče letam dziaŭčyna adnojčy ŭnačy vyjaviła, što jaje pravy navušnik AirPods Pro kudyści źnik. Kenedzi adrazu ž uśviadomiła, što mahła vypadkova jaho prahłynuć padčas snu, i pasprabavała vyrvać navušnik nazad, ale biecpaśpiachova.
U vyniku dziaŭčyna razam sa svajoj mamaj adpravilisia da lekara.
«Kali Kenedzi pryjechała, joj pryjšłosia tłumačyć lekaram usiu situacyju, a jany ŭ svaju čarhu byli ździŭlenyja, što słuchaŭka ŭsio jašče pracuje ŭ dziaŭčyny ŭ straŭniku. Tamahrafija vyjaviła dakładnaje miesca znachodžańnia pryłady, i dziaŭčynu adrazu adpravili na endaskapiju, bo lekary aścierahalisia niehatyŭnych nastupstvaŭ», — raspavioŭ partał AppleInsider sa spasyłkaj na słovy Mo Kenedzi.
Sama apieracyja prajšła paśpiachova i dziaŭčyna atrymała svoj navušnik nazad. Kenedzi pažartavała, što na 100% raić usim nabyć AirPods Pro, ale pry hetym na 1000% nie rekamienduje ich jeści, «choć tym samym i atrymałasia vyjavić ustojlivaść hetych navušnikaŭ da straŭnikavaj kisłaty».
Čytajcie taksama:
Stała viadoma, kolki ŭ Biełarusi budzie kaštavać novy ajfon
Ci vyklikajuć Airpods stratu słychu? Adkazvaje śpiecyjalist
Jak nadziejna vydalić fota z iPhone i iCloud — padrabiazny hajd