Jak nadziejna vydalić fota z iPhone i iCloud — padrabiazny hajd
Šmat chto z našych čytačoŭ maje pryłady ad Apple. Vydaleńnie ŭ ich adbyvajecca trochi inačaj, čym u smartfonach ad Android. Raspaviadajem, jak pravieryć vašy fota i nadziejna ich vydalić, abaraniŭšy siabie.
Spačatku zajdzicie ŭ prahramu «Fota» (Photos). Vam adkryjecca albom «Usie fota» (All Photos).
Naciśnicie «Abrać» (Select) i prahladzicie vašu halereju. Abiarycie ŭsie fota, jakija vy chacieli b vydalić. Naciśnicie na značok «Śmietnicy» ŭ pravym nižnim kucie. Naciśnicie «Vydalić» (Delete).
Dalej naciśnicie «Albomy» (Albums) u nižnim mieniu. Kali adkryjucca albomy, dahartajcie ŭniz da alboma «Niadaŭna vydalenyja» (Recently Deleted).
Naciśnicie «Abrać» (Select) u pravym vierchnim kucie. Abiarycie tyja fota, jakija vy chočacie vydalić zusim (u našym vypadku my abrali tolki try, ale možna abrać kolki chočacie). Dalej naciśnicie «Vydalić» (Delete).
Pradstaŭniki inicyjatyvy SyberBeaver kažuć, što moža prajści niejki čas, kab adbyłasia sinchranizacyja. «Kali niama mahčymaści pačakać, vy možacie załahinicca na sajcie iCloud sa svajoj pryłady i vybrać Photos, znajści toje, što treba, i taksama vydalić u dva etapy — z halerei i papki vydalenych fota», — kažuć jany.
Sinchranizacyja z iCloud
Usie vašy fota pa zmoŭčańni na iOS zachoŭvajucca ŭ iCloud Photo Library. Tam ža zachoŭvajucca i źviestki inšych prahramaŭ. Robicca heta, kab ekanomić miesca na pryładzie i mieć da ich dostup ź luboha punktu. Spačatku zajdzicie ŭ vaš iCloud, nacisnuŭšy na nazvu vašaha akaŭnta ŭ mieniu, a paśla dahartajcie da punkta iCloud.
Dalej naciśnicie iCloud, i vam adkryjecca mieniu, dzie vy možacie kiravać sinchranizacyjaj.
Tut pakazana, ci zachoŭvajucca ŭ iCloud fota i fajły. Padumajcie, ci vy chočacie sinchranizavać fota. Kali nie, to ŭ našym artykule pra vydaleńnie fota my raspaviadali, jak jaho adklučyć.
Dalej naciśnicie na punkt iCloud Backup.
Dalej naciśnicie na pryładu, reziervovuju kopiju jakoj vy chacieli b prahladzieć — u vypadku na skrynšocie heta iPhone, ale možna tak kiravać usimi reziervovymi kopijami ŭ vašym akaŭncie.
Tut vy možacie kiravać tym, infarmacyja ź jakich prahramaŭ zachoŭvajecca ŭ vobłačnym schoviščy. Abo całkam adklučyć jaje i vydalić reziervovuju kopiju, nacisnuŭšy na knopku Delene & Turn Off Backup i paćvierdziŭšy hetaje dziejańnie.
Ci možna ŭznavić vydalenuju infarmacyju na iPhone?
Padrabiaznaści ŭznaŭleńnia fajłaŭ na iOS nam patłumačyli pradstaŭniki inicyjatyvy CyberBeaver:
«Jość prahramy, jakija ŭznaŭlajuć vydalenyja fajły ŭ ajfonach. Kali ŭ vas abo kahości jašče jość dostup da razbłakavanaha telefona, to imi možna skarystacca. Efiektyŭnaść takich prahram dla ajfonaŭ sprečnaja i budzie zaležać nie tolki ad jakaści ałharytmaŭ samoj prahramy, ale i ad inšych faktaraŭ.
Adnaŭleńnie sapraŭdy vydalenych fajłaŭ na iOS budzie prablemaj navat dla softu śpiecsłužbaŭ, bo kožny fajł šyfrujecca indyvidualna. Kali fajł vydalajecca, to kluč šyfravańnia vydalajecca taksama. To-bok, adnavić fajł budzie mahčyma, ale rasšyfravać užo nie. Ale nie ŭsia infarmacyja na ajfonach zachoŭvajecca jak indyvidualnyja fajły. Niekatoryja typy (paviedamleńni SMS i iMessages, natatki, kantakty, kalendary i historyja zvankoŭ) mohuć mieć vyhlad zapisaŭ u bazie danych. Adpaviedna, ich adnavić praściej.
Z kožnaj novaj viersijaj iOS padobnyja ŭraźlivaści zakryvajucca. Naprykład, indyvidualnaje šyfravańnie fajłaŭ źjaviłasia dla iOS 12».
Takim čynam, vydalić fajły z ajfonaŭ možna davoli nadziejna. Nieviadoma, ci zdolnyja biełaruskija śpiecsłužby ich uznavić paśla, ale takija vypadki publična nieviadomyja.
«Naša Niva» — bastyjon biełaruščyny
PADTRYMAĆHUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava5
HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary
Tak čto studientki biełarusskich PTU diejstvitielno biednyje, niesčastnyje i zadavleny krovavoj diktaturoj. Vsie poznajetsia v sravnienii.