Яшчэ 11 чалавек прызналі палітвязнямі
Праваабаронцы з «Вясны» 26 верасня аб'явілі аб прызнанні палітычнымі зняволенымі яшчэ адзінаццаці чалавек. Агульная колькасць палітвязняў у Беларусі, паводле іх версіі, цяпер складае 1493 чалавекі.
26.09.2023 / 18:01
Імёны новых палітвязняў — Яўген Шышкаў, Ігар Шкіраў, Руслан Глушанок, Дзмітрый Сямак, Аляксандр Ніканаў, Аляксандр Юшкевіч, Сняжана Амосава, Святлана Кароль, Ігар Папоў, Андрэй Матузаў, Анжэла Сікорская.
Хто гэтыя людзі і чаму праваабаронцы лічаць іх справы палітычна матываванымі, можна даведацца па спасылцы.
Паводле праваабаронцаў, цяпер у Беларусі 1493 палітвязні. Апошнім часам агульны рост іх колькасці не вельмі вялікі, і нават адзначаецца пэўнае зніжэнне (раней ужо некалькі разоў колькасць прызнаных палітвязнямі перасягала 1500 чалавек). Але гэта не таму, што рэпрэсіі ў Беларусі меншаюць, — проста паралельна з новымі выпадкамі зняволення па крымінальных справах ідзе працэс вызвалення тых асуджаных, хто цалкам адбыў свой тэрмін. Таксама суды некаторым прысуджаюць «хатнюю хімію», пасля чаго чалавек выходзіць з-за турэмных сцен, таму больш не лічыцца вязнем.
Варта таксама ўлічваць, што ў статыстыку ўваходзяць далёка не ўсе, хто знаходзіцца ў зняволенні з палітычных прычын, рэальная колькасць беларускіх палітвязняў нашмат большая. Пра вельмі многіх праваабаронцам проста нічога не вядома.
Агульны спіс людзей, прызнаных у Беларусі палітвязнямі, глядзіце тут.
Чытайце таксама:
Прапала сувязь з адным з «рэйкавых партызан». Сваякі зняволенага асцярагаюцца найгоршага
Затрымалі мужчыну, які негатыўна выказаўся пра чалавека з шаўронам «Вагнера»
Сілавікі затрымалі хлопца, які напісаў у фэйкавы бот палка Каліноўскага