Jašče 11 čałaviek pryznali palitviaźniami
Pravaabaroncy z «Viasny» 26 vieraśnia abjavili ab pryznańni palityčnymi źniavolenymi jašče adzinaccaci čałaviek. Ahulnaja kolkaść palitviaźniaŭ u Biełarusi, pavodle ich viersii, ciapier składaje 1493 čałavieki.
26.09.2023 / 18:01
Imiony novych palitviaźniaŭ — Jaŭhien Šyškaŭ, Ihar Škiraŭ, Rusłan Hłušanok, Dźmitryj Siamak, Alaksandr Nikanaŭ, Alaksandr Juškievič, Śniažana Amosava, Śviatłana Karol, Ihar Papoŭ, Andrej Matuzaŭ, Anžeła Sikorskaja.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca pa spasyłcy.
Pavodle pravaabaroncaŭ, ciapier u Biełarusi 1493 palitviaźni. Apošnim časam ahulny rost ich kolkaści nie vielmi vialiki, i navat adznačajecca peŭnaje źnižeńnie (raniej užo niekalki razoŭ kolkaść pryznanych palitviaźniami pierasiahała 1500 čałaviek). Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z-za turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ahulny śpis ludziej, pryznanych u Biełarusi palitviaźniami, hladzicie tut.
Čytajcie taksama:
Prapała suviaź z adnym z «rejkavych partyzan». Svajaki źniavolenaha aścierahajucca najhoršaha
Zatrymali mužčynu, jaki niehatyŭna vykazaŭsia pra čałavieka z šaŭronam «Vahniera»
Siłaviki zatrymali chłopca, jaki napisaŭ u fejkavy bot pałka Kalinoŭskaha