Źmianilisia praviły padačy dakumientaŭ na polski šenhien: ciapier ich treba padavać pa miescy rehistracyi
Praviły mianiajucca ŭžo z nastupnaha paniadziełka, 2 kastryčnika.
30.09.2023 / 14:21
Fota: Naša Niva
Pra źmieny ŭ padačy dakumientaŭ na šenhienskija vizy paviedamlajecca na sajcie vizavaha centra.
Z 2 kastryčnika hramadzianam Respubliki Biełaruś treba padavać dakumienty na vizy šenhien u vizavyja centry pa terytaryjalnaj prykmiecie zhodna z rehistracyjaj pa miescy žycharstva:
— u vizavych centrach u haradach Minsk, Mahiloŭ i Homiel — hramadzianie RB, zarehistravanyja pa miescy žycharstva ŭ Minskaj vobłaści, Mahiloŭskaj vobłaści, Homielskaj vobłaści i Viciebskaj vobłaści
— u vizavych centrach u Breście, Baranavičach i Pinsku — hramadzianie, zarehistravanyja ŭ Bresckaj vobłaści.
— u vizavych centrach u haradach Hrodna i Lida — hramadzianie niezaležna ad miesca rehistracyi
Taksama paviedamlajecca, što ŭładalnikam bijamietryčnych pašpartoŭ pry padačy dakumientaŭ na šenhienskija vizy ŭ vizavych centrach Minskaj i Bresckaj abłaściej nieabchodna pradastavić dakumient, jaki paćviardžaje rehistracyju pa miescy žycharstva ŭ adpaviednaj vobłaści.
Čytajcie taksama:
Nie ŭsio tak prosta. Kolki budzie kaštavać polskaja turystyčnaja viza i jak chutka možna atrymać
Biełaruś nie Jeŭropa? Top-5 krain, dzie adpačyvali letaś biełarusy