U Rasii jość užo 110 pomnikaŭ Stalinu. 95 ź ich pastavili pry Pucinie
Tolki 9% manumientaŭ zachavalisia z savieckich časoŭ.
02.10.2023 / 15:11
Fota z sajta «Možiem objaśniť»
Tempy ŭźviadzieńnia pomnikaŭ paskorylisia paśla anieksii Kryma ŭ 2014 hodzie. Takuju statystyku pryvodzić «Možiem objaśniť».
Tolki 9% manumientaŭ zachavalisia z savieckich časoŭ, a pieravažnaja bolšaść źjaviłasia ŭ apošnija 20 hadoŭ, u hady kiravańnia Uładzimira Pucina.
Napiaredadni ŭ Ćviarskoj vobłaści ŭ Miednym — na miescy pachavańnia achviar represij — byŭ ustalavany biust Stalina i šeraha inšych savieckich pravadyroŭ. Śćviardžajecca, što heta častka niejkaj vystavy, pakul niezrazumieła, ci zastaniecca biust na hetym miescy pastajanna.
Hety pomnik staŭ čaćviortym, ustalavanym u Rasii z pačatku šyrokamaštabnaha ŭvarvańnia va Ukrainu, pryčym adkryćcio kožnaha ź ich abhruntoŭvałasia łozunhami vajennaj prapahandy.
U 1990-ja hady ŭ Rasii pastavili tolki piać pomnikaŭ Stalinu, pry Pucinie pačali stavić prykładna pa čatyry pomniki ŭ hod. Hetaja kolkaść pavialičyłasia paśla anieksii Kryma (dzie taksama jość pomniki Stalinu, ale ŭ śpisie jany nie paznačanyja).
U trojcy lidaraŭ pa kolkaści nasielenych punktaŭ sa skulpturami Stalina — Paŭnočnaja Asiecija, Dahiestan i Jakucija.
Pomniki, jak praviła, nie staviać na centralnych płoščach ci vulicach, typovy pomnik Stalinu — heta biust, ustalavany pa inicyjatyvie pryvatnych asob abo arhanizacyj, takich jak KPRF, niaredka ich staviać na terytoryi muziejaŭ abo pryvatnych uładańniaŭ.
Adnak apošnim časam usio čaściej pomniki ŭzvodziacca pa inicyjatyvie miascovych uładaŭ, a na ich adkryćci źjaŭlajucca słužbovyja asoby.
Čytajcie taksama:
U Rasii vystavili na tarhi lecišča Stalina. Cana pytańnia — 4 miljony dalaraŭ
Na terytoryi miemaryjała achviaram represij u Rasii pastavili biusty Stalina, Dziaržynskaha i Lenina
U Mahilovie pryvodziać u paradak miesca stalinskich rasstrełaŭ