Rekanstrukcyja adnoj z samych ažyŭlenych mahistralaŭ Mahilova, praśpiekta Dzimitrava, zakranuła taksama miesca ŭšanavańnia pamiaci achviar stalinskich represij. Demantavali kryž, ale jak budzie vyhladać miaścina ŭ vyniku pakul nieviadoma.
Jar nasuprać sučasnaha Miasakambinata byŭ miescam rasstrełaŭ u 1930-ja hady. U adroźnieńnie ad Kurapataŭ, nijakaja bolš paznavalnaja nazva za hetym miescam pakul tak i nie zamacavałasia.
U kancy 1980-ch hramadskaść ustalavała tut pamiatny kryž, potym jašče adzin, bolšy.
Ciapier vialiki kryž vykapany, a na samim miescy pamiaci prakładajecca novaja darožka. Jak raskazali budaŭniki vydańniu «Mahiloŭ.media», zamiest raniejšaha kryža budzie novy. Charakterna, što ŭstalavany hramadskaściu vialiki kryž — šaścikancovy, jon paŭtaraje formu Kryža Jeŭfrasińni Połackaj.
Hod tamu, na vosieńskija Dziady, pradstaŭniki hramadskaści tradycyjna ŭskładali kvietki da hetaha kryža. A ŭ lutym hetaha hoda pradstaŭniki pravasłaŭnaj hramady arhanizavali da pamiatnaha kryža chresny chod z kazakami, choć zvyčajna Carkva, śledam za dziaržavaj, ihnaruje miescy masavych zabojstvaŭ 1920—1930-ch hadoŭ.
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 1
«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki3
«Studentaŭ-płatnikaŭ u dziaržaŭnych VNU stanie bolš». Čamu ŭ Biełarusi zakryli adrazu dva pryvatnyja ŭniviersitety? 1
Kamientary