Łacinski patryjarch Ijerusalima zajaviŭ, što hatovy abmianiać siabie na izrailskich dziaciej, jakich terarysty ŭtrymlivajuć u Hazie
Padčas napadu bajevikoŭ na poŭdzień Izraila 7 kastryčnika ŭ pałonie akazalisia bolš za 100 čałaviek.
16.10.2023 / 14:09
Pjerbatysta Picabała. Fota: Riccardo De Luca / AP
Arcybiskup Ijerusalima kardynał Pjerbatysta Picabała zajaviŭ, što hatovy abmianiać siabie na dziaciej, jakich terarysty ŭtrymlivajuć u siektary Hazy, paviedamlaje newsru.co.il.
Padčas napadu bajevikoŭ na poŭdzień Izraila 7 kastryčnika ŭ pałonie apynułasia bolš za 100 čałaviek.
Pjerbatysta Picabała rodam ź Bierhama (Italija), naradziŭsia ŭ 1965 hodzie. Byŭ vyśviačany ŭ śviatary 15 vieraśnia 1990 hoda. Atrymaŭ stupień licencyjata ŭ franciškanskim Biblejskim instytucie Ijerusalima. Akramia rodnaj italjanskaj taksama vałodaje anhlijskaj, iŭrytam i arabskaj movami. Na Śviatoj Ziamli pačaŭ svaju karjeru ŭ rodnym Biblejskim instytucie ŭ jakaści vykładčyka iŭrytu. Z 2005 pa 2008 hod słužyŭ Patryjaršym vikaryjem dla iŭrytamoŭnych katalikoŭ.
U 2016 hodzie, paśla sychodu na supakoj łacinskaha patryjarcha Ijerusalima Fuada Tuala, byŭ pryznačany Apostalskim administrataram Ijerusalima Sede Vacante i ŭ toj ža samy čas byŭ taksama pryznačany tytularnym archibiskupam Vierbie. U 2020-m staŭ łacinskim patryjarcham Ijerusalima.
Čytajcie taksama:
Izrailskija zakładniki CHAMAS: najhoršy kašmar dla luboha ŭrada
Bajden: Izrail pavinien źniščyć CHAMAS
Poŭnač siektara Haza pakinuli kala 500 tysiač čałaviek — CACHAŁ
Izrail adnaviŭ padaču vady ŭ paŭdniovuju častku siektara Haza