«Izrail pieraśleduje hrupu ludziej, jakija ŭčynili varvarstva, jakoje pa svaich nastupstvach nie sastupaje Chałakostu. I tamu ja dumaju, što Izrail pavinien adkazać», — miarkuje prezident ZŠA.
Prezident ZŠA Džo Bajden u intervju telekanału CBS zajaviŭ, što CHAMAS pavinien być źniščany, ale treba zachavać paleścinskuju dziaržavu.
Na pytańnie, ci pavinien CHAMAS być całkam likvidavany, Bajden adkazaŭ: «Tak, ja liču».
«Hety šlach, jaki nazyvajecca «rašeńniem ab dźviuch dziaržavach», dziesiacihodździami byŭ palitykaj ZŠA. Jon praduhledžvaje stvareńnie niezaležnaj dziaržavy pobač ź Izrailem dla 5 miljonaŭ paleścincaŭ, jakija žyvuć u Hazie i na Zachodnim bierazie raki Ijardan», — dadaŭ jon.
Ciapier heta nie zrobicca, ale Izrail razumieje, što značnaja častka paleścincaŭ nie padzialaje pohlady CHAMASa i Chiezbały, adznačyŭ Bajden.
Na jaho dumku, paśla napadu CHAMAS Izrail pavinien byŭ rašuča adreahavać.
«Izrail pieraśleduje hrupu ludziej, jakija ŭčynili varvarstva, jakoje pa svaich nastupstvach nie sastupaje Chałakostu. I tamu ja dumaju, što Izrail pavinien adkazać. Jany pavinny pieraśledvać CHAMAS. CHAMAS — heta kupka bajaźliŭcaŭ. Jany chavajucca za śpinami cyvailnych, — skazaŭ prezident ZŠA i dadaŭ: Ja ŭpeŭnieny — izrailcianie zrobiać usio, što ŭ ich siłach, kab paźbiehnuć zabojstva niavinnych cyvilnych asob».
Chan-Junis na kaleniach. Jak prakarmić, raźmiaścić i akazać dapamohu paŭmiljonu paleścinskich biežancaŭ
Izrail adnaviŭ padaču vady ŭ paŭdniovuju častku siektara Haza
Izrail evakujuje ceły horad. Takoje adbyvajecca ŭpieršyniu ŭ historyi dziaržavy
Izrail adkłaŭ naziemnuju apieracyju ŭ siektary Haza z-za nadvorja — NYT
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary