U Hdańsku projdzie «Śpieŭny schod» i prezientacyja «Biasiednych pieśniaŭ»
21 kastryčnika ŭ Hdańsku adbudziecca «Śpieŭny schod» ź Sieržukom Doŭhušavym i prezientacyja śpieŭnika «Biasiednyja pieśni».
17.10.2023 / 16:34
U prahramie: supolnyja śpievy, tancy, zastolle. Śpiecyjalnaj hościaj budzie Iryna Laškievič z hurta «Kalažanki».
Impreza adbudziecca pa adrasie: Zoe's Bistro, Gdańsk, Stągiewna 1a.
Nabyć kvitki i atrymać bolš infarmacyi možna tut.
Kožny z naviedvalnikaŭ imprezy atrymaje ŭ padarunak novy śpieŭnik, a taksama zmoža paŭdzielničać u sapraŭdnym zastolli. Kolkaść miescaŭ abmiežavanaja.
Biasiednyja (zastolnyja, haściavyja, karčomnyja, bankietnyja, kirmašovyja) pieśni — častka bahataj i raznastajnaj falkłornaj spadčyny biełarusaŭ. Heta pieśni, jakija śpiavali ŭ śviatočnyja momanty, kali ŭ zastolli źbiralisia razam siamja, susiedzi i znajomyja.
Śpieŭnik «Biasiednyja pieśni» byŭ vydadzieny letam 2023 hoda ŭstanovaj Tradycyja, jaho ŭkładalniki: Nasta Niakrasava i Siaržuk Doŭhušaŭ.
Novy śpieŭnik maje 80 staronak z notami, tekstami kirylicaj i łacinkaj, infarmacyju pra pieśni, a taksama aŭdyjadadatak.
Čytajcie taksama:
Na vydańnie «Biełaruskaha dziciačaha śpieŭnika» šukajuć sponsaraŭ