Mak.bu pierajšoŭ na novuju brendavanuju ŭpakoŭku. A vam padabajecca?
Nad jaje stvareńniem z nula pracavali tolki biełaruskija śpiecyjalisty.
18.10.2023 / 10:25
Mak.bu pierajšoŭ na novuju brendavanuju ŭpakoŭku, zaŭvažyŭ Koko.by.
Dyzajn raspracavała biełaruskaje brendynhavaje ahienctva Fabula Branding, kardon pastaŭlaje Dobrušskaja papiarovaja fabryka «Hieroj pracy».
Vytvorčaść upakoŭki ŭziali na siabie drukarnia «Druk servis» i vytvorca «Supierpak Kompani».
«Padabajka za dyzajn! Užo siońnia novaja ŭpakoŭka całkam pradstaŭlena ŭ piaci restaranach i pastupova źjavicca va ŭsich», — piša Koko.by.
Pra toje, što suśvietny brend fast-fudu «Makdonalds» pakinie biełaruski rynak, stała viadoma ŭ listapadzie 2022 hoda. Ale historyja z adychodam kampanii ŭ vyniku akazałasia davoli zabłytanaj. Spačatku zajaŭlałasia, što na miescy restaranaŭ sietki ŭ Biełarusi pavinien byŭ adkrycca rasijski brend «Vkusno — i točka», ale hetaha nie adbyłosia. Šyldy na restaranach spačatku zamianili na «My adkrylisia», a paśla sietka stała nazyvacca Mak.by.
Raniej sietka restaranaŭ «Makdonalds» u Biełarusi pracavała pa franšyzie i na 90% naležała kazachstanskamu biznesmienu Kajratu Baranbajevu. Ciapier Kazachstan amierykanskaja sietka taksama pakinuła: pra heta stała viadoma ŭ studzieni 2023 hoda.