Sietka «Vkusno — i točka», jak vyśvietliłasia, paśpieła padpisać damovu i vyhruzić častku pradukcyi dla biełaruskich restaranaŭ. Ale jaje nie puścili
Stali viadomyja novyja detali ŭ historyi adychodu «Makdonaldsa» ź Biełarusi. Pra ich raspavioŭ hiendyrektar sietki «Vkusno — i točka», jakaja płanavała zajści ŭ našu krainu.
«Historyja ź Biełaruśsiu vielmi cikavaja. Ciapier heta niezaležny biznes, jon nie maje da nas nijakaha dačynieńnia. Mcdonald's u niejki momant vyrašyŭ pakinuć Biełarusi, i tady ŭładalniki źviarnulisia da nas z prapanovaj stać partniorami-frančajzi. My pahadzilisia i navat paśpieli padpisać pahadnieńnie ab supracoŭnictvie i adhruzić častku pradukcyi», — raspavioŭ hienieralny dyrektar kampanii Aleh Parojeŭ u intervju «RIA Naviny».
Adnak, ź jahonych słoŭ, «praz peŭnyja abstaviny Biełaruś u vyniku pajšła pa inšym šlachu».
«Jany vyrašyli stvarać svoj ułasny brend, jaki nie budzie mieć nijakaha dačynieńnia ni da Rasii, ni da «Vkusno — i točka», ni da niejkich inšych rasijskich franšyz. My skasavali naša pahadnieńnie ab supracoŭnictvie, i ciapier jany pracujuć jak ułasny nacyjanalny brend, sprabujuć pabudavać biznes z nula», — rastłumačyŭ hiendyrektar «Vkusno — i točka».
Uvosień sietka paviedamlała, što vychodzić na rynak Biełarusi i padpisvaje damovu frančajzi z kampanijaj «KSB Viktary restarany», jakaja kiruje 25 restaranami Mcdonald's u krainie. U listapadzie anansavałasia, što restarany pačnuć pracavać pad rasijskim brendam, ale ŭmiašaŭsia Łukašenka. U vyniku byłyja «Makdonaldsy» niejki čas pracavali pad šyldaj «My adkrytyja». U krasaviku «KSB Viktary restarany» paviedamiła, što pačała pracavać pad novym brendam — Mak.by. Hetu nazvu, darečy, taksama ahučyŭ Łukašenka padčas pasłańnia parłamientu i narodu.
Krynicy: «Makdonalds» zastajecca, Łukašenka zabaraniŭ mianiać franšyzu
Krynicy: Łukašenka davieryŭ «Makdonalds» Aleksinu
«Makdonalds» aficyjna staŭ «Mak.by»
Nazvy burhieraŭ u byłych «Makdonaldsach» pamianiali z-za čatyroch łustačak ahurkoŭ
Ci roźniacca burhiery z «Makaŭ» u Biełarusi, Litvie, Polščy i Hruzii? Pamierali ź liniejkaj
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka14
Kamientary
Ja - niet!...