Krynica ŭ jeŭrapiejskaj raźviedcy: La balnicy Al-Achli zahinuli maksimum 50 čałaviek
Hrupoŭka CHAMAS, jakaja kantraluje Hazu, śćviardžaje, što ŭ vyniku vybuchu zahinuŭ 471 čałaviek.
20.10.2023 / 07:29
Paleścincy ahladajuć miesca vybuchu la balnicy Al-Achli ŭ horadzie Haza. Fota: Abed Khaled / AP
Vysokapastaŭlenaja ananimnaja krynica ŭ raźviedcy adnoj ź jeŭrapiejskich krain skazała ahienctvu AFP, što, pa jaje acency, u vyniku vybuchu kala balnicy Al-Achli ŭ aŭtorak u Hazie zahinuli maksimum 50 čałaviek, a nie amal 500, jak śćviardžaje CHAMAS, piša Bi-bi-si.
Hrupoŭka CHAMAS, jakaja kantraluje Hazu, śćviardžaje, što ŭ vyniku vybuchu zahinuŭ 471 čałaviek.
CHAMAS śćviardžaje, što ŭdar pa balnicy nanios Izrail, izrailskaja armija dakazvaje, što na parkoŭku la balnicy ŭpała rakieta, vypuščanaja hrupoŭkaj «Isłamski džychad».
Hazieta Times of Israel nahadvaje, što ŭ dakładnaści źviestak CHAMAS pra kolkaść zahinułych sumniavajecca i izrailskaja armija. Jaje pres-ataše Džonatan Konrykus publična zadavaŭ pytańnie: «Dzie ž usie hetyja cieły?»
Surazmoŭcy CNN va ŭładnych strukturach ZŠA vykazvali zdahadku, što ŭ Al-Achli ŭ vyniku vybuchu i pažaru mahli zahinuć 100-300 čałaviek.
Karespandenty zamiežnych ahienctvaŭ i vydańniaŭ bačyli na parkoŭcy la balnicy dziasiatki ciełaŭ.
Na fotazdymkach, zroblenych ranicaj u sieradu, vidać, što vybuch pakinuŭ tolki paraŭnalna nievialikuju varonku na parkoŭcy, ale ŭsie aŭtamabili na joj zhareli. Budynki vakoł paškodžanyja niaznačna.
Čytajcie taksama:
Padčas ataki CHAMAS zahinuła 12-hadovaja dziaŭčynka, pra jakuju raskazała Džaan Roŭlinh