Śviet11

Padčas ataki CHAMAS zahinuła 12-hadovaja dziaŭčynka, pra jakuju raskazała Džaan Roŭlinh

Siamja spadziavałasia znajści dziaŭčynku-aŭtystku i jaje 80-hadovuju babulu žyvymi, ale zdaryłasia najhoršaje.

Noja Dan i jaje babula Karmieła Noah Dunn and her grandmother Carmela Noja Dan i jaje babula Karmieła
Noja Dan i jaje babula Karmieła. Fota: sacyjalnyja sietki

Dziaŭčynka atrymała suśvietnuju viadomaść paśla taho, jak piśmieńnica Džaan Roŭlinh, aŭtar knih pra Hary Potera, apublikavała fatahrafiju Noi i napisała:

«Vykradańnie dziaciej — heta ahidna i nie moža mieć nijakaha apraŭdańnia. Pa zrazumiełych pryčynach hetaja fatahrafija mianie ŭraziła. Chaj Noja i ŭsie zakładniki, zachoplenyja CHAMAS, chutčej viernucca ŭ svaje siemji».

Dziaŭčynka pachodzić z kibuca Nachal-Oz. Da vajny ŭ im žyło 400 čałaviek. Kibuc znachodzicca tak blizka da siektara Haza, što žychary pasielišča bačyli, jak ich paleścinskija susiedzi raźviešvajuć bializnu ŭ dvary svajho doma — usiaho za 600 mietraŭ. Pamiž imi — płot i bufiernaja zona.

Składana pavieryć, ale jašče ŭ 1980-ja žychary kibuca Nachal-Oz chadzili ŭ siektar Haza na bazar i siabravali siemjami. Niekatoryja padtrymlivali kantakty i ŭ našy dni, ale ŭžo tolki praź miesiendžary.

Žychary Nachal-Oz pryvykli žyć pobač z terytoryjaj, jakaja kantralujecca bajevikami. Ale padziei 7 kastryčnika ŭsio źmianili.

kibuc Nachal Oz Kibbutz Nahal Oz Kibuc Nachal Oz
Kibuc Nachal-Oz paśla napadu terarystaŭ. Skrynšot videa Bild

Jak paviedamlaje Bild, u toj dzień 20 čałaviek z kibuca zahinuli, a jašče 80 uziali ŭ zakładniki.

Siarod vykradzienych byli i 12-hadovaja dziaŭčynka Noja Dan i jaje 80-hadovaja babula Karmieła. U Noi było zachvorvańnie aŭtyčnaha śpiektra, što nie pieraškadžała joj być dobraj, spakojnaj dziaŭčynkaj, jakaja lubiła čytać.

Jak raspaviadała maci dziaŭčynki Halit Dan, napiaredadni trahičnych padziej jana adpuściła dačku z kibuca Kisufim, dzie žyła siamja, pieranačavać da babuli.

Kali ŭ subotu ranicaj jany pačuli stralaninu i vybuchi, Halit razam z mužam i 9-hadovaj dačkoj Tomal schavalisia va ŭmacavanym pakoi. U inšym kibucy, dzie znachodzilisia ŭ toj momant dačka Halit Noja i maci žančyny Karmieła, adbyvałasia toje samaje.

Uvieś hety čas jany pisali adno adnamu paviedamleńni. U adnym z hałasavych Halit pačuła, jak Noja ŭschlipnuła i tolki vymaviła: «Mama, mnie strašna. U domie jość ludzi — ratujcie mianie».

Na žal, uratavać jaje było niemahčyma. Z momantu apošniaha hałasavoha paviedamleńnia pra Noju i jaje babulu doŭhi čas ničoha nie było viadoma. Siarod identyfikavanych ciełaŭ u kibucy ich nie akazałasia. 

Siamja spadziavałasia znajści jaje i babulu žyvymi, padzialiłasia paviedamleńniem ab zdareńni ŭ sacyjalnych sietkach.

19 kastryčnika 12-hadovaja Noja Dan i jaje 80-hadovaja babula Karmieła byli znojdzienyja miortvymi sa śladami ździekaŭ supracoŭnikami pošukava-vyratavalnaj arhanizacyi ZAKA. Dziaŭčynku i babulu znajšli la aharodžy na miažy z Hazaj.

Miarkujecca, što terarysty CHAMAS zachapili dziaŭčynku z babulaj razam ź inšymi žycharami kibuca ŭ jakaści zakładnikaŭ, ale potym zrazumieli, što z babulaj, u jakoj niadobra z pamiaćciu, i dziaŭčynkaj-aŭtystkaj im budzie składana. Tamu jany zabili ich. 

Čytajcie jašče:

Izrail publikuje hutarku, jak śćviardžajecca, pamiž bajevikami CHAMAS. Tyja abmiarkoŭvajuć zapusk rakiety pa balnicy ŭ siektary Haza

Bajden paabiacaŭ Izrailu padtrymku «siońnia, zaŭtra i zaŭsiody»

«Navat padčas vajny adčuvaju siabie bolš abaronienaj, čym u Biełarusi». Biełaruska raskazała, jak ciapier žyviecca ŭ Izraili

Kamientary1

  • Axel Justas
    19.10.2023
    Paskudy...

«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś8

«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś

Usie naviny →
Usie naviny

Łukša raskazaŭ, jak sustreŭsia ŭ adnoj kamiery z Pačobutam. I pieradhistoryju ich daŭniaha kanfliktu13

Ryžankoŭ raskazaŭ, što ŭ Biełaruś ź Jeŭropy biahuć dziasiatki tysiač ukraincaŭ18

Rasijanie atakavali Zaparožža — trapili ŭ šmatpaviarchovik, jość paranienyja

Nočču adbyłasia masiravanaja ataka dronaŭ na rasijskuju terytoryju2

Kryvavaja historyja bratoŭ Mienendes. Topavy sieryjał pa realnych padziejach, jaki abaviazkova treba pabačyć9

Minskaha biznesmiena, jaki zajmaŭsia miedycynskim abstalavańniem, sudziać pa troch artykułach za danaty

SpaceX zapuściła misiju pa vyratavańni astranaŭtaŭ, jakija zatrymalisia na MKS2

Try hady tamu ajcišnik Andrej Zielcer akazaŭ supraciŭ siłavikam, jakija pryjšli da jaho dachaty

Turbuješsia za busłoŭ, jakija nie adlacieli? Voś jak im možna dapamahčy

bolš čytanych navin
bolš łajkanych navin

«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś8

«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś

Hałoŭnaje
Usie naviny →