У Ізраілі загінулі шасцёра людзей з Беларусі — МЗС
Міністэрства замежных спраў Беларусі паведаміла, што ў Ізраілі ў выніку баявых дзеянняў загінулі 3 грамадзяніна Беларусі і 3 выхадца з нашай краіны.
20.10.2023 / 16:00
Здымак ілюстрацыйны. Фота: Leon Neal/Getty Images
«Ёсць дакладная інфармацыя пра трох нашых загінулых грамадзян і трох выхадцах з Беларусі. На вялікі жаль, у іх ліку і грамадзянка Беларусі, пра шпіталізацыю якой пасля абстрэлу раней паведамлялі СМІ», — цытуюць прэс-сакратара МЗС Анатоля Глаза «РИА Новости».
Паводле слоў чыноўніка, пасольства ў Ізраілі ў сталым рэжыме фіксуе і абнаўляе інфармацыю пра беларусаў і падтрымлівае пастаянны кантакт з суайчыннікамі.
Чытайце таксама:
Міністр абароны Ізраіля назваў тры этапы вайны з ХАМАС
Байдэн: Мы не можам дапусціць, каб такія тэрарысты, як ХАМАС, і такія тыраны, як Пуцін, перамаглі
Падчас атакі ХАМАС загінула 12-гадовая дзяўчынка, пра якую расказала Джаан Роўлінг