Na miažy Biełarusi z Polščaj zahinuli dva mihranty
Pavodle infarmacyi Polskie Radio Białystok, jakoje spasyłajecca na kiraŭnika Hajnaŭskaj rajonnaj prakuratury Jana Andrejčuka, havorka idzie pra mihrantaŭ, jakija nielehalna prakralisia ź Biełarusi ŭ Polšču.
23.10.2023 / 16:04
Ściana na miažy Biełarusi z Polščaj. Zdymak ilustracyjny. Fota: AP Photo / Agnieszka Sadowska
22 kastryčnika pamiežny patrul pieraśledavaŭ hrupu inšaziemcaŭ, jakaja trapiła ŭ krainu praz prałom u zaharodzie na terytoryi Biełaviežskaj puščy. Adzin ź mihrantaŭ pravaliŭsia ŭ bałota, ale choć jaho i ŭdałosia vyciahnuć, jon pamior da prybyćcia chutkaj dapamohi. Małady čałaviek, vychadziec ź niejkaj afrykanskaj krainy, byŭ «zmučany i lohka apranuty».
Akramia taho, ranicaj 23 kastryčnika achova čyhunki znajšła trup maładoha čałavieka kala rejek u rajonie nasielenaha punkta Dabravoda (niedaloka ad horada Klaščeli, pobač ź biełaruskaj miažoj). Pa słovach kiraŭnika rajonnaj prakuratury, «usio pakazvaje na toje, što heta nielehalny mihrant ź Blizkaha Uschodu».
Čytajcie taksama:
Polski pamiežnik atrymaŭ traŭmu nahi praz ataku mihrantaŭ ź biełaruskaha boku
Jeŭrasajuz vyznačyŭsia, jak budzie zmahacca ź vialikaj kolkaściu ŭciekačoŭ
Refierendum u Polščy nakont ściany na miažy ź Biełaruśsiu pravaliŭsia