Jeŭrasajuz vyznačyŭsia, jak budzie zmahacca ź vialikaj kolkaściu ŭciekačoŭ
Novyja praviły, u vypadku ŭzakońvańnia, značna paskorać praces lehalizacyi ŭciekačoŭ z roznych krain.
U sieradu 27 lidaraŭ ES paśla trochhadovych sprečak pryjšli da pahadnieńnia, jak spraŭlacca z raptoŭnym i rezkim rostam kolkaści prośbitaŭ na prytułak u Jeŭropie. Ciapier, u vypadku vojnaŭ, stychijnych biedstvaŭ albo inšych zdareńniaŭ, jakija vyklikajuć napłyŭ mihrantaŭ, jeŭrapiejskija dziaržavy zmohuć spraścić praces ich rehistracyi i chutka pieramiaščać ich u inšyja krainy ES.
Zhodna sa źmieścivam novaha pahadnieńnia, krainam ES budzie advodzicca nie bolš za 4 tydni na afarmleńnie pieršapačatkovych dakumientaŭ dla ŭciekačoŭ. Paśla vieryfikavanych i zarehistravanych mihrantaŭ mohuć chutka adpraŭlać u inšyja jeŭrapiejskija krainy, dzie budzie adbyvacca ich dalejšaja lehalizacyja.
U vynikovym tekście pahadnieńnia, jak śćviardžajuć jeŭrapiejskija palityki, šlacham kampramisu ŭdałosia abaranić minimalnyja humanitarnyja standarty ŭ adnosinach da mihrantaŭ, jak dostup da adukacyi i achovy zdaroŭja.
Adnak, jak piša vydańnie The Guardian, samo pahadnieńnie jašče treba aficyjna ŭzakonić i razam z tym pieraadoleć sprečki pamiž niekatorymi krainami ES.
Havoračy ab sprečkach, vydańnie pryvodzić u jakaści prykładu składanyja pieramovy pamiž Hiermanijaj i Italijaj, bo krainy mieli roznyja padychody da vyrašeńnia prablemy mihracyi. Sama Italija ŭ vyniku zajaviła, što Hiermanija ŭsio ž dazvoliła italjanskim uładam vykarystoŭvać «nadzvyčajnyja miery» dla zmahańnia ź mihrantami, uratavanymi niaŭradavymi arhanizacyjami.
Razam z hetym, suprać novaha pahadnieńnia, niahledziačy na jaho pryniaćcie, praciahvajuć vystupać Polšča i Vienhryja.
«Polšča i Vienhryja prahałasavali suprać pahadnieńnia, u toj čas jak Aŭstryja, Čechija i Słavakija ŭstrymalisia ad hałasavańnia. Ciapier pryniataja bolšaściu damoŭlenaść maje być uchvalena ŭ Jeŭraparłamiencie.
Asnoŭnaja meta pahadnieńnia była ŭ tym, kab padzialić ciažar mihracyi pa ŭsim ES, bo asobnyja krainy prymajuć uciekačoŭ bolš za astatnich. Taksama budzie značna paskorany praces rehistracyi prośbitaŭ prytułku», — paviedamlaje The Guardian.
Baćka Maryi Kaleśnikavaj raskazaŭ, jak była arhanizavana sustreča z dačkoj3
Kamientary