Va Ukrainie vyličyli biznesmiena, jaki praź Biełaruś pastaŭlaŭ u akupavany Krym tavary dla rasijskaj armii
Prakuratura Zakarpackaj vobłaści Ukrainy 24 kastryčnika zajaviła, što adzin ź miascovych biznesmienaŭ padazrajecca ŭ kałabaracyjaniźmie i zabieśpiačeńni rasijskaha vojska ŭ akupavanym Krymie. Rasśledavańnie pa spravie viadzie Słužba biaśpieki Ukrainy.
25.10.2023 / 10:03
Ilustracyjny zdymak. Fota: NurPhoto / Contributor Getty Images
Pa infarmacyi SBU, biznesmien vałodaje firmaj pa mižnarodnych pieravozkach u adnoj z krain Jeŭrasajuza i vykarystoŭvaje jaje dla pastavak u akupavany Krym praź Biełaruś kampanientaŭ dla vyrabu zbroi.
«Padazravany, miascovy žychar Zakarpaćcia, praz svaju aŭtatranspartnuju kampaniju ŭ ES naładziŭ schiemu pastavak tavaraŭ u časova akupavanyja terytoryi Ukrainy, u tym liku i Krym. Tranzit padčas vajny ažyćciaŭlaŭsia praź Biełaruś i jaje transpartna-łahistyčnyja centry», — paviedamiła abłasnaja prakuratura Zakarpaćcia.
Siarod pastaŭlenych rasijskaj armii tavaraŭ značylisia vohnietryvałyja materyjały dla vytvorčaści stali i elektratechničnaje abstalavańnie dla vyrabu zvyčajnaha ŭzbrajeńnia i sistem kiravańnia artyleryjaj na rasijskich vajskovych karablach.
Niadaŭna ŭ Bałharyi taksama byli zatrymanyja siabry mižnarodnaj złačynnaj hrupoŭki, jakija zajmalisia tajemnaj pastaŭkaj uzbrajeńniaŭ dla rasijskich sił u akupavanych častkach Ukrainy. U składzie hrupoŭki jość hramadzianin Biełarusi.
Čytajcie taksama:
Va Ukrainie padali 168 pazovaŭ ab kanfiskacyi spadčynnaj ziamli ŭ biełarusaŭ i rasijan
Kijeŭski ŭniviersitet imia Šaŭčenki zakryŭ prahramu pa vyvučeńni biełaruskaj movy