Vietkaŭski muziej praciahvaje źbirać hrošy, kab nabyć unikalny pomnik ikanapisu
Vietkaŭski muziej staraabradnictva i biełaruskich tradycyj praciahvaje źbirać hrošy, kab vykupić ikonu z vyjavaj Božaj Maci, jakaja źjaŭlałasia častkaj Carskaj bramy XVIII stahodździa: užo sabrana 3800 rubloŭ z 8500.
25.10.2023 / 17:56
Stvorki bramy — dźvie ikony z vyjavami Božaj Maci i Archanhieła Haŭryiła byli znojdzieny ŭ pryvatnaj kalekcyi ŭ minułym hodzie. Heta vielmi redki i amal nieviadomy pomnik staraabradnickaha mastactva Vietki. Jak viadoma, staraabradnickija chramy ŭ roznyja pieryjady raskradalisia dy źniščalisia.
«Toje, što my možam rabić ciapier — heta zachoŭvać histaryčnuju, kulturnuju, mastackuju spadčynu. Staraabradniki, jakija žyli na našych ziemlach, vypracavali tut svaju admietnuju ikanapisnuju tradycyju. Heta častka kultury našaj šmatkanfiesijnaj Biełarusi», — kaža daśledčyca biełaruskaha ikanapisu i navukovaja supracoŭnica NAN Biełarusi Halina Flikop-Śvita.
Pieraličyć hrošy možna na sponsarski rachunak muzieja.
Rekvizity. Raźlikovy rachunak u AAT «Biełarusbank», u biełaruskich rublach:
UNP (UNN): 400560905
Rachunak (IBAN): BY65AKBB36424130002703100000
BIK (kod banka): AKBBBY2X
Atrymalnik: Vietkaŭski muziej
Kod pryznačeńnia płaciažu: 44201
Pryznačeńnie pieravodu: na nabyćcio pradmieta muziejnaha značeńnia (heta nieabchodna paznačyć abaviazkova).
Kab apłacić praź internet-bankinh/mabilnaje prykładańnie, vybirajcie nie ARIP, a Pieravody — Pa rekvizitach.
Spasyłka na rekvizity dla spampoŭki.
Čytajcie taksama:
U samym starym draŭlanym budynku Biełarusi źjavicca muziej
Na biełaruskim Padlaššy ŭ Polščy vyjaŭleny ŭnikalny ikanastas