Na voli Siarhiej Antusievič
Byłoha namieśnika staršyni Biełaruskaha kanhresu demakratyčnych prafsajuzaŭ i šmathadovaha kiraŭnika niezaležnaha prafsajuza na «Hrodna Azot» Siarhieja Antusieviča vyzvalili 31 kastryčnika. Pra heta paviedamili jaho kalehi, jakija pierabyvajuć u emihracyi.
02.11.2023 / 12:37
Siarhiej Antusievič na voli. Fota raspaŭsiudžvajecca ŭ sacyjalnych sietkach
Siarhieja Antusieviča vyzvalili z mahiloŭskaj kałonii №15. Jon byŭ adnym ź fihurantaŭ spravy kiraŭnikoŭ Biełaruskaha kanhresa demakratyčnych prafsajuzaŭ.
Aktyvista schapiŭ KDB 19 krasavika 2022 hoda. Pra źniavoleńnie jamu dazvolili paviedamić žoncy pa telefonie i skazać, što jon u SIZA KDB.
26 śniežnia 2022 hoda Minski haradski sud adpraviŭ Antusieviča na 2 hady ŭ kałoniju ahulnaha režymu za «hrupavyja dziejańni, jakija hruba parušajuć hramadski paradak».
21 krasavika 2023 hoda jaho ŭnieśli ŭ «śpis ekstremistaŭ».
Razam z Antusievičam asudzili staršyniu Biełaruskaha Kanhresu demakratyčnych prafsajuzaŭ Alaksandra Jarašuka, jakoha pakarali na 4 hady kałonii ahulnaha režymu, a taksama buchhałtarku ofisa BKDP Irynu But-Husaim. Jaje adpravili za kraty na hod i šeść miesiacaŭ.
Usie fihuranty spravy pravaabarončaj supolnaściu byli pryznanyja palitviaźniami.
Masavyja palityčnyja represii ŭ Biełarusi praciahvajucca z 2020 hoda. Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja bazavyja normy zakonnaści i marali.
Režym Łukašenki likvidavaŭ usie niezaležnyja prafsajuzy. Ich lidary ŭ niavoli.
Hladzicie taksama:
Prafsajuzy śvietu zaklikali ŭvieści poŭnuju ekanamičnuju błakadu łukašenkaŭskaha režymu
Vyniesieny žorstkija prysudy aktyvistam niezaležnych prafsajuzaŭ
«Fiadynič narmalna, a voś u Areški prablemy» — nieviasiołyja naviny ad palitźniavolenych praflidaraŭ