Źjavilisia foty prafsajuznych lidaraŭ z suda. Ich vinavaciać u apładysmientach na vulicy
Sud nad staršynioj Biełaruskaha kanhresa demakratyčnych prafsajuzaŭ Alaksandram Jarašukom, jaho namieśnikam Siarhiejem Antusievičam i supracoŭnicaj ofisa BKDP Irynaj But-Husaim pačaŭsia siońnia ŭ Minskim haradskim sudzie.
Usie abvinavačanyja pa spravie BKDP całkam pryznali vinu, piša BiełTA.
Paviedamlajecca, što jany abvinavačvajucca, u pryvatnaści, «u aktyŭnym udziele ŭ hrupavych dziejańniach, jakija hruba parušajuć hramadski paradak, spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady — supracoŭnikaŭ MUS, što paciahnuła parušeńnie pracy transpartu i pradpryjemstvaŭ».
Prafsajuznyja aktyvisty abvinavačvajucca pa č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich), a Alaksandr Jarašuk i pa č. 3 art. 361 (zakliki da mieraŭ abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy).
BKDP abjadnoŭvaŭ Svabodny prafsajuz Biełarusi, Svabodny prafsajuz mietalistaŭ, Biełaruski prafsajuz rabotnikaŭ radyjoelektronnaj pramysłovaści i Biełaruski niezaležny prafsajuz.
25 listapada pačaŭsia sudovy praces nad aktyvistami biełaruskich niezaležnych prafsajuzaŭ — palitviaźniami Hienadziem Fiadyničam, Vasilom Bieraśnievym i Vacłavam Areškam.
Ich abvinavačvajuć u zaklikach da mier abmiežavalnaha charaktaru, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361 Kryminalnaha kodeksa), raspalvańni inšaj sacyjalnaj varožaści (č. 3 art. 130), stvareńni ekstremisckaha farmiravańnia albo ŭdziele ŭ im (č. 1 i č. 3 art. 361-1 Kryminalnaha kodeksa).
Lidaraŭ prafsajuzaŭ zatrymali ŭ siaredzinie krasavika. Tady byli zatrymanyja 15 čałaviek.
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary