Litva pavialičyć kolkaść pamiežnikaŭ z-za pahroz z boku Biełarusi
Ciaham dvuch hadoŭ Dziaržaŭnaja pamiežnaja słužba Litvy pavinna papoŭnicca 450 novymi aficerami, jakija buduć achoŭvać miažu ź Biełaruśsiu.
05.11.2023 / 12:46
Rustam Lubajeŭ i ministr unutranych spraŭ Ahnie Biłatajcie. Fota: fejsbuk Ahnie Biłatajcie
«Ahulnaja kolkaść dadatkovych aficeraŭ praz dva hady składzie kala 450 čałaviek, jany buduć nakiravanyja na achovu miažy ź Biełaruśsiu», — skazaŭ kiraŭnik viedamstva Rustam Lubajeŭ padčas pasiadžeńnia kamiteta Siejma pa nacyjanalnaj biaśpiecy i abaronie, piša BNS.
«My chočam uzmacnić achovu miažy», — padkreśliŭ jon.
Dadatkovyja aficery buduć pryniatyja na słužbu ŭ 2024-2025 hadach.
«My prahledzieli našy kadravyja varyjanty, vidać, ciažka budzie adrazu za hod arhanizavać navučańnie i zapoŭnić pasady. U vyniku my prahnazujem na dva hady. Pačniem z nastupnaha hoda, kali budzie zaćvierdžany biudžet, a skončym praz hod», — patłumačyŭ Rustam Lubajeŭ.
Zaraz u Dziaržaŭnaj pamiežnaj słužbie pracujuć 4,3 tysiačy čałaviek.
Miaža Litvy ź Biełaruśsiu źjaŭlajecca taksama źniešniaj miažoj Jeŭrasajuza. Z 2021 hoda litoŭskija pamiežniki nie puścili ŭ krainu 21,5 tysiačy mihrantaŭ z terytoryi Biełarusi.
Čytajcie taksama:
Łukašenka pra nielehalnych mihrantaŭ: My nikoha tut łavić nie budziem