Лукашысты патлумачылі, чаму сілавікі зацікавіліся папулярнымі блогерамі
ГУБАЗіК у сваім канале адрэагаваў на навіны пра візіты сілавікоў да Ганны Бонд, Ларысы Грыбалёвай і Дзяніса Кур'яна.
09.11.2023 / 15:58
Фота: сацсеткі
Ён напісаў, што «ўсе на волі з відавочнай умовай, якую не многія заўважылі».
Што гэта за ўмова? Лукашысцкі ананімны канал «Графач», на які спаслаліся сілавікі, тлумачыць (пост з'явіўся 1 лістапада):
«Усе выходзяць на волю. Вось толькі, калі ўважліва прыгледзецца да зместу інсты дадзеных дзіў (маюцца на ўвазе Грыбалёва і Бонд. — НН), адтуль відавочна зніклі пасты з рэкламнай інтэграцыяй ад усялякіх А1, Еўраоптаў і г.д.
Супадзенне? Не думаю. Многіх жа менавіта гэта абурала? Нябеднае рэкламнае існаванне ў сваім закрытым свеціку неадназначных персанажаў, нават за кошт дзяржпрадпрыемстваў.
І саджаць нікога не збіраюцца, проста абразаюць фінансаванне.
Але я б не сек з пляча, прыбраўшы толькі лішкі, паказваючы правільны шлях.
Мабыць, прыйшоў час вызначыцца з прыярытэтамі, выказаць пазіцыю ў сваёй частцы без усялякіх эківокаў.
Быць тварам нават з намёкам на экстрэмісцкую пазіцыю, верагодна, стане вельмі эканамічна нявыгадна».
«А наогул: падтрымаў масавыя беспарадкі — забудзься аб даходах з рэкламы, тым больш ад дзяржаўных структур. Усё. Ні больш ні менш», — адзначылі сілавікі ў сваім канале. І дадалі, што гэта яшчэ мяккі варыянт наступстваў.
Раней «Наша Ніва» са спасылкай на свае крыніцы пісала, што блогерам спрабуюць фактычна зарабаніць займацца прафесій — патрабуюць спыніць медыйную актыўнасць і не браць рэкламу.
Чытайце таксама:
Быў затрыманы Дзяніс Кур'ян. А Бонд і Грыбалёвай забаранілі займацца прафесіяй
Саладуха пра затрыманне Грыбалёвай: А яе за што? Дай Бог, каб усё было добра
Пасля працяглага перапынку ў эфір выйшла блогерка Ганна Бонд
Ларыса Грыбалёва паведаміла, што яна дома. ГУБАЗіК змяніў свой допіс