Ларыса Грыбалёва паведаміла, што яна дома. ГУБАЗіК змяніў свой допіс
На старонцы Ларысы Грыбалёвай у фэйсбуку з’явіўся допіс з наступным зместам: «Дарагія мае, я дома, усё добра».
Сёння была інфармацыя пра затрыманне спявачкі.
Трэба адзначыць, што ў тэлеграм-канале ГУБАЗіК сёння з'явіўся кароткі допіс пра спявачку. «Тикают часики мои … годиков на пару точно», — напісалі сілавікі ў абед. Але пазней абнавілі пост.
Дадалося лаканічнае:
«Обновление: «Всё нормально, мама, тук-тук-тук-тук-тук-тук…» Ну почти».
Раней Ларыса Грыбалёва трапіла ў негалосны спіс 80 выканаўцаў, якім забаронена выступаць у нашай краіне.
У 2020 годзе яна была адной з тысяч беларускіх дзеячаў культуры, якія выступілі супраць гвалту і фальсіфікацыі выбараў.
Ларыса Грыбалёва — знакамітая вядоўца і спявачка. Вядомасць яна набыла ў 90-х гадах, калі стала тварам папулярнай праграмы «Усё нармальна, мама!» на беларускім тэлебачанні.
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары