Parłamient Łatvii lehalizavaŭ adnapołyja šluby
Z 1 studzienia dva čałavieki luboha połu, jakija znachodziacca ŭ blizkich adnosinach i viaduć ahulnuju chatniuju haspadarku, jakija nie źjaŭlajucca pry hetym svajakami pa pramoj linii abo mužam i žonkaj, ale pry hetym zajavili pra hatoŭnaść kłapacicca adzin pra adnaho, zmohuć jurydyčna zaklučyć u nataryusa partniorskija adnosiny, piša Delfi.lv.
09.11.2023 / 17:02
Hiej-prajd u Ryzie. Fota: Oksana Dzadan / AP
Da hetaha histaryčnaha rašeńnia Siejm išoŭ amal čverć stahodździa. U čaćvier, 9 listapada, pry padtrymcy 53 hałasoŭ parłamient unios papraŭki ŭ vosiem zakonaŭ, jakija ŭvodziać u Łatvii novuju jurydyčnuju formu adnosin — instytut partniorstva.
Na praciahu 24 hadoŭ Siejm nieadnarazova razhladaŭ zakonaprajekty, jakija praduhledžvajuć uviadzieńnie instytuta partniorstva, ale nikoli nie davodziŭ zakanadaŭčy praces da pryniaćcia rašeńnia. Ciapierašniaja sproba, narešcie jakaja ŭviančałasia pośpiecham — užo dziaviataja pa liku, nahadała kiraŭnik Ministerstva justycyi Inesa Libinia-Ehnere, čyjo viedamstva padrychtavała zaćvierdžanyja siońnia zakonaprajekty.
U červieni hetaha hoda anałahičnaje rašeńnie było pryniata ŭ Estonii. Da hetaha dnia adnapołyja šluby byli dazvolenyja ŭ 35 krainach.
Čytajcie taksama:
U Estonii lehalizavali adnapołyja šluby
Vatykan dazvoliŭ transseksuałam prymać chryščeńnie i być chrosnymi