Parłamient Estonii (Ryjhikohu) pryniaŭ zakon, jaki praduhledžvaje mahčymaść zaklučeńnia šlubu pamiž dźviuma paŭnaletnimi asobami niezaležna ad ich połu z 1 studzienia 2024 hoda. Estonija stała pieršaj krainaj va Uschodniaj Jeŭropie, dzie lehalizavali adnapołyja šluby.
Za pryniaćcie inicyjavanych uradam źmianieńniaŭ Zakona ab siamji i inšych źviazanych ź im zakonaŭ prahałasavali 55 členaŭ Ryjhikohu i 34 — suprać, piša Postimees.ee.
Akramia šlubu, u ludziej u budučyni taksama zachavajecca mahčymaść zaklučyć damovu ab sumiesnym žyćci. Damova harantuje zarehistravanym sužycielam prava prymać rašeńni datyčna adzin adnaho i pry nieabchodnaści atrymlivać dapamohi i kampiensacyi. Param, jakija zaklučyli damovu ab sumiesnym žyćci, budzie zabiaśpiečana mahčymaść pierajści da šlubu ŭ sproščanym paradku.
Adnapołyja pary zaraz mohuć usynaŭlać dziaciej sa zhody bijałahičnaha baćki.
Zakon ustanaŭlivaje pryncyp, zhodna ź jakim u dziciaci nie moža być bolš za dva baćki. Zachoŭvajecca pryncyp, zhodna ź jakim pravy i abaviazki ŭ dačynieńni da dziciaci ŭ pieršuju čarhu naležać jaho bijałahičnym baćkam.
Zakon ustupić u siłu z 1 studzienia 2024 hoda.
«U kožnaha pavinna być mahčymaść ustupić u šlub z čałaviekam, jakoha jon kachaje i ź jakim choča źviazać svajo žyćcio. Hetym rašeńniem my, narešcie, paćviardžajem svaju prynaležnaść da Paŭnočnych krain i inšych demakratyčnych dziaržaŭ śvietu, u jakich heta prava ŭžo harantavana, — skazała premjer-ministr Kaja Kałas. — Heta rašeńnie, jakoje nikoha ničoha nie pazbaŭlaje, ale mnohim daje niešta vielmi važnaje. Adnačasova jano demanstruje, što členy našaha hramadstva kłapociacca adno pra adnaho i pavažajuć adno adnaho. Ja hanarusia Estonijaj».
-
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja
-
Hrošy na zabojstva rasijskaha lotčyka ŭ Ispanii, jaki pierahnaŭ va Ukrainu viertalot Mi-8, pieradali rasijskija dypłamaty
-
Pryčynaj pravału Bajdena na debatach moh stać čas, u jaki hetyja debaty pravodzilisia
Kamientary