Va Ukrainie nie zafiksavali ruchu rasijskich vojskaŭ paśla anulavanaha paviedamleńnia pra pierahrupoŭku
Centr nacyjanalnaha supracivu nazvaŭ infarmacyju ad Minabarony RF pra «pierahrupoŭku» vojskaŭ, jakuju adrazu anulavali, infarmacyjnaj apieracyjaj. Jaje meta, jak śćviardžajuć u CNS, — adciahnieńnie ŭkrainskich vajskoŭcaŭ.
13.11.2023 / 12:54
«Pakul, pa infarmacyi miascovych, nijakich adpaviednych ruchaŭ vojskaŭ voraha nie zafiksavana. Takim čynam možam kanstatavać, što ciapier adbyvajecca infarmacyjnaja apieracyja suprać Ukrainy», — havorycca ŭ paviedamleńni CNS.
Siońnia rasijskija infarmahienctvy apublikavali navinu ab «pierahrupoŭcy» rasijskich vojskaŭ, ale adrazu anulavali jaje. Havorka išła pra Chiersonskuju vobłaść, ź jakoj rasijskaja armija była vymušanaja adstupić na levy bierah Dniapra.