Rasijskija infarmahienctvy apublikavali navinu ab «pierahrupoŭcy» rasijskich vojskaŭ u Chiersonskaj vobłaści, ale adrazu anulavali jaje
Spačatku rasijskija infarmahienctvy apublikavali zajavu Minabarony Rasii, što kamandavańnie hrupoŭki «Dniapro» pryniało rašeńnie ab «pierahrupoŭcy» i zaniaćci «vyhadniejšych pazicyj» na ŭschod ad Dniapra. Ale nieŭzabavie anulavali paviedamleńnie.
Acaniŭšy situacyju, jakaja skłałasia, kamandavańnie hrupoŭki «Dniapro» vyrašyła pierakinuć vojski na bolš vyhadnyja pazicyi na ŭschod ad Dniapra, paviedamlała Minabarony Rasii.
Paśla pierahrupoŭki «Dniapro» vyzvalić častku sił, jakija buduć zadziejničany dla nastupu na inšych kirunkach, havaryłasia ŭ zajavie, pavodle RIA Noovosti.
Havorka išła pra Chiersonskuju vobłaść, ź jakoj rasijskaja armija była vymušanaja adstupić na levy bierah Dniapra.
Ale paźniej infarmahienctvy źniapraŭdzili naviny pra «pierahrupoŭku».
«Navina anulujecca jak vypuščanaja pamyłkova», — napisała TASS.
«Rassyłka iłžyvaha paviedamleńnia ab «pierahrupoŭcy» vojskaŭ u rajonie Dniapra nibyta ad imia pres-centra Minabarony Rasii źjaŭlajecca pravakacyjaj», — zajavili RBK u Minabarony.
U apošnija dni źjaŭlalisia paviedamleńni, što ŭkrainskija vajskoŭcy sprabujuć zamacavacca na novych pazicyjach na levym bierazie raki. U pačatku listapada USU nanieśli ŭdar pa jaje kamandnym punkcie.
Kamientary