U Ryzie budzie skvier u honar Franciška Skaryny
14.11.2023 / 12:12
Inicyjatarami źmien u naźvie skviera vystupili dyrektar Nacyjanalnaj biblijateki Łatvii i pradstaŭniki biełaruskaj dyjaspary.
Znakavaje dla biełarusaŭ miesca źjavicca ŭ stalicy Łatvii. Skvier uzdoŭž vulicy Łačpleša budzie nasić imia biełaruskaha pieršadrukara Franciška Skaryny. Novuju nazvu ŭchvaliŭ Kamitet pa raźvićci horada Ryhi, paviedamlaje ŭ svaim telehram-kanale Abjadnany pierachodny kabiniet.
Inicyjatarami źmien u naźvie skviera vystupili dyrektar Nacyjanalnaj biblijateki Łatvii Andrys Viłks, pradstaŭniki biełaruskaj dyjaspary Viačka Cieleš i Dzianis Davydaŭ.
Razam z pradstaŭnicaj pa nacyjanalnym adradžeńni Kabinieta Alinaj Koŭšyk, padčas jaje letniaha vizitu ŭ Łatviju, inicyjatary sustrelisia z uładami horada i dasiahnuli parazumieńnia pa hetym pytańni.
«Dziakuju deputatam haradskoj rady Ryhi za chutka pryniataje rašeńnie. Ciešusia, što ŭ biełarusaŭ Ryhi ciapier budzie svoj kutok u hetym horadzie — miesca, dzie jany zmohuć źbiracca i adčuvać suviaź z radzimaj. My abaviazkova dadadzim jaho na kartu biełaruskich historyka-kulturnych miaścin kultmapka.me. Spadziajusia, što estafietu ŭ inicyiravańni źmien nazvaŭ vulic horada prymuć i inšyja biełaruskija dyjaspary», — skazała Alina Koŭšyk.