Z 1 studzienia minimalny zarobak u Łatvii składzie 700 jeŭra
Minimalny zarobak u krainie atrymlivaje 11,4% rabotnikaŭ ź dziaržasiektara i 17,7% rabotnikaŭ z pryvatnaha siektara.
15.11.2023 / 09:18
Z 1 studzienia minimalny zarobak u Łatvii pavysicca z 620 da 700 jeŭra. Heta praduhledžvaje pryniataja ŭradam 14 listapada papraŭka, piša Delfi.lv.
Pa danych Centralnaha statystyčnaha ŭpraŭleńnia, u 2022 hodzie minimalny zarobak atrymlivali ŭ pryvatnym siektary 94 190 rabotnikaŭ, abo 17,7%, a ŭ dziaržaŭnym siektary — 26 032 rabotnika, abo 11,4%.
U druhim kvartale 2023 hoda ŭ Łatvii pracavała 887 600 čałaviek, abo 64,4% nasielnictva va ŭzroście ad 15 da 74 hadoŭ.
U Biełarusi minimalny zarobak u 2023 hodzie składaje 554 rubli (kali ličyć pa siońniašnim kursie, to heta 163 jeŭra). Z 1 studzienia 2024 hoda jon budzie roŭnym 626 rublam.
Čytajcie taksama:
U Biełarusi pavialičyłasia hadavaja inflacyja
Jak pracuje i kolki zarablaje biełaruskaja doktarka ŭ Čechii