«Vystup komika nie skončyŭsia raniej». Češskaja palicyja raskazała, što adbyłosia z kancertam Słavy Kamisaranki ŭ Brnie
Biełaruski komik Słava Kamisaranka vystupiŭ 17 listapada ŭ češskim horadzie Brno, ale paśla taho ŭ muzyčny kłub Sono prybyła palicyja. «Radyjo Svaboda» daviedałasia, u čym była pryčyna.
19.11.2023 / 17:37
Jak paviedamlajuć miascovyja ŚMI, pryčynaj stała paviedamleńnie ab vybuchoŭcy. U vyniku palicyja nie znajšła vybuchnoj pryłady, ale da nastupnaha vystupu komika byli pryniatyja miery biaśpieki.
Češskija ŚMI, sa spasyłkaj na palicyju, źniapraŭdžvajuć infarmacyju ab nibyta zaŭčasnym spynieńni kancertu. Raniej paviedamlałasia, što pakaz skončyŭsia zaŭčasna, a haściej evakuiravali ź miesca praviadzieńnia, daŭšy komiku 2 chviliny dla zakančeńnia vystupu. Adnak palicyja Čechii heta admaŭlaje. Pavodle jaje zajavy, vystup Kamisaranki zaviaršyŭsia ŭ pryznačany čas.
«Vystup komika nie skončyŭsia raniej. Jon skončyŭsia svoječasova zhodna z raskładam muzyčnaha kluba Sono, dzie jon prachodziŭ», — adkazała pradstaŭnica palicyi na pytańnie partału iDNES.cz.
Pavodle jaje słoŭ, da nastupnaha vystupleńnia, jakoje adbyłosia na nastupny dzień, 18 listapada, u Karłavych Varach, byli pryniatyja dadatkovyja miery biaśpieki.
Čytajcie taksama:
Žonka Kamisaranki: Šmat hadoŭ tamu padzarablała vebkam-madellu, ale daravała sabie hetu pamyłku
Kamisaranka pra svoj šlub: U hetaj situacyi žachliva ŭsio
Słava Kamisaranka, zdajecca, ažaniŭsia. Źjavilisia fota viasiella