Kamisaranka pra svoj šlub: U hetaj situacyi žachliva ŭsio
Navina pra toje, što Słava Kamisaranka žaniŭsia, dla mnohich stała niečakanaj. Ale praciah hetaj historyi ździŭlaje jašče bolš, bo komik, jak vyjaviłasia, nie viedaŭ, z kim nasamreč ažaniŭsia.
Pra viasielle Kamisaranki stała viadoma na minułym tydni. Fota apublikavała 12 vieraśnia jaho niaviesta Julija ŭ svaim instahramie. Viasielle, mierkavana, było ŭ Čarnahoryi.
Dziaŭčyna apublikavała viasielnyja zdymki, pad adnym jana napisała: «Pryviet, moj muž».
Nakolki viadoma, Julija Šaškova rodam z Takmaka pad Zaparožžam. Raniej jana publikavała sumiesnyja zdymki z komikam. U krasaviku vykłała fota ź piarścionkam i padpisała: «Vychodžu za najlepšaha mužčynu na śviecie». Ale chto hety mužčyna, u paście nie zhadała.
U siecivie tady stali abmiarkoŭvać, što dziaŭčyna — byłaja vebkamščyca (tak nazyvajuć tych, chto za hrošy raździavajecca na kamieru ci vykonvaje inšyja prośby klijenta). U adkrytym dostupie možna adšukać i fota dziaŭčyny — pa vialikich tatuiroŭkach možna zrabić vysnovy, što na tych hołych zdymkach jana.
Siońnia Kamisaranka ahałomšyŭ pryznańniem:
«Vy, napeŭna, bačyli naviny, što ja ažaniŭsia, i jašče šmat usiakaha ŭ hetych navinach. U hetaj situacyi žudasna ŭsio, pra hetu situacyju źnievažalna kazać, ale maŭčać pra jaje, napeŭna, jašče bolš źnievažalna. Tamu pasprabuju koratka pra ŭsio skazać.
Nie, ja pra heta ničoha nie viedaŭ, a kali ja daviedaŭsia i spytaŭ, mnie ŭsio roŭna schłusili. Tak, ja liču, što minułaje ŭ čałavieka moža być jakim zaŭhodna, ale vy pavinny pra heta adkryta skazać partnioru, a nie chavać heta i nie admaŭlać heta da momantu, kali heta ŭsio ŭskryjecca.
Tak, skazać pra takoje niaprosta, strašna i naohuł jak byccam niemahčyma, ale jašče strašniej, kali tvoj muž daviedvajecca pra heta ź internetu pasiarod vašaha miadovaha miesiaca.
Ja nie adčuvaju siabie razzłavanym, pakryŭdžanym i tym, chto prahnie pomsty. Mnie prosta vielmi sumna ad taho, što ŭsio tak atrymałasia», — napisaŭ jon u instahramie.
Padpisčyki i znajomyja Kamisaranki adreahavali na jahony post pa-roznamu.
«Nu ažaniŭsia, kali budzie drenna ź joj — raźviadziešsia. Heta prosta praca. Moža, jana čałaviek dobry, i ŭ vas budzie ščaście. Sens prasić prabačeńnia pierad publikaj i kazać, što ty nie viedaŭ. Jana nikoha nie zabiła, nie handlavała ludźmi, nie krała hrošaj… Ženiacca nie z prafiesijaj, a z čałaviekam».
«Adna reč być u kursie i pryniać takuju historyju pra partniora. Inšaja reč — kali partnior schavaŭ heta. Nu takoje… Sił tabie, Słava, heta pieražyć».
«Słava, viartajsia ŭ Polšču, tut stolki kłasnych volnych biełaruskich dziaŭčat».
«A ŭ čym štuka tam? Aktyvistka BRSM papałasia?»
«Dyk ty nie viedaŭ?..»
«Skazaŭ: ja tut ničoha prasić nie budu». Žonka raskazała, jak Vieramiejčyka pryznali pahrozaj u Litvie18
Kamientary