Pad Barysavam pačali stvarać dziciačy reabilitacyjny centr Alaksieja Tałaja
Pačałosia stvareńnie reabilitacyjnaha centra dla dziaciej, jakija stracili kancaviny. Jon budzie pabudavany pad Barysavam na miescy kolišniaj siadziby kniazioŭ doma Ramanavych. Pra heta paviedamiŭ paralimpijec Alaksiej Tałaj. Jak piša «Minskaja praŭda», adnačasova prachodzić reabilitacyju ŭ centry zmohuć ad 6 da 17 dziaciej.
21.11.2023 / 18:19
Prajekt reabilitacyjnaha centra ŭ Starabarysavie. Fota: mlyn.by
«Heta dazvolić u ramkach hadavoha cykłu dapamahčy bolš jak sotni dziaciej ź Biełarusi i Rasii zdabyć usie navyki žyćcia z pratezam abo srodkam mabilnaści, zaniacca paralimpijskim płavańniem, vyznačycca z prafiesijaj, azdaravicca», — piša Minskaja praŭda».
Prajekt reabilitacyjnaha centra ŭ Starabarysavie. Fota: mlyn.by
Tałaj raźličvaje, što hrošy na hety centr mohuć dać ułady niekatorych rasijskich rehijonaŭ i čakaje, što centr budzie pabudavany ciaham niekalki hadoŭ.
Prajekt reabilitacyjnaha centra ŭ Starabarysavie. Fota: mlyn.by
Nahadajem, što paśla pačatku poŭnamaštabnaj vajny va Ukrainie fond Alaksieja Tałaja źbiraje dapamohu dla samaabvieščanych «DNR» i «ŁNR» i pryvozić u Biełaruś na «azdaraŭleńnie» dziaciej z akupavanych terytoryj, što pryznana Mižnarodnym kryminalnym sudom vajennym złačynstvam.
Raniej, u červieni hetaha hoda, stała viadoma, što nieviadomy rasijanin pieradaŭ zakinutuju dom-siadzibu kniazioŭ Ramanavych u Starabarysavie dabračynnamu fondu Tałaja.
Dom-siadziba vialikich kniazioŭ carskaha domu Ramanavych u ahraharadku Starabarysaŭ užo šmat hadoŭ razburałasia. Tut mianiałasia šmat haspadaroŭ, byli sproby adnaŭleńnia i rekanstrukcyi, ale jany nie mieli pośpiechu.
Čytajcie taksama:
Što saboj ujaŭlaje i z kaho składajecca sietka rasiejskaha ŭpłyvu ŭ Biełarusi
U Biełarusi ŭkrainskich dziaciej vučać: «Tut ty pasłužyš vialikaj Rasii»