OpenAI abviaściła pra viartańnie zvolnienaha Sema Altmana na pasadu hiendyrektara
Altman napisaŭ u Ch, što ź nieciarpieńniem čakaje viartańnia ŭ OpenAI.
22.11.2023 / 10:30
Sem Altman, adzin sa stvaralnikaŭ suśvietna viadomaj niejrasietki ChatGPT. Fota: Patrick Semansky / AP
Kampanija-ŭładalnik čat-bota ChatGPT damahłasia zhody ab viartańni na pasadu hiendyrektara Sema Altmana, jaki byŭ zvolnieny 18 listapada. Pra heta OpenAI paviedamiła ŭ X (były Twitter).
Altman napisaŭ u Ch, što ź nieciarpieńniem čakaje viartańnia ŭ OpenAI.
U piatnicu amierykanski prahramist i pradprymalnik Sem Altman, jaki źjaŭlajecca suzasnavalnikam niejrasietki ChatGPT i kampanii OpenAI, byŭ zvolnieny z pasady hienieralnaha dyrektara OpenAI.
U zajavie było skazana, što zvalnieńnie Altmana — heta kalehijalnaje rašeńnie rady dyrektaraŭ OpenAI, jakoje było vyklikana tym, što pradprymalnik «byŭ nie zaŭsiody adkryty ŭ svaich znosinach z kiraŭnictvam kampanii».
«Sem Altman sychodzić z pasady hienieralnaha dyrektara OpenAI i pakidaje radu dyrektaraŭ kampanii, bo jon nie zaŭsiody byŭ adkryty ŭ adnosinach da kiraŭnictva. Hety fakt pieraškadžaje zdolnaści Altmana vykonvać svaje abaviazki, ale my ŭdziačnyja jamu za vialiki ŭniosak u zasnavańnie i raźvićcio kampanii», — napisaŭ u minułuju piatnicu The Verge sa spasyłkaj na aficyjnuju zajavu OpenAI.
Vydańnie adznačała, što rašeńnie ab zvalnieńni Altmana źjaŭlajecca «zanadta niečakanym», bo biznesmien jašče ŭ minułym hodzie «faktyčna pačaŭ honku ŭ śfiery štučnaha intelektu», pradstaviŭšy paśpiachovy i dobra viadomy ChatGPT.
Akramia taho, Altman, jak piša The Verge, aktyŭna vystupaŭ na mižnarodnych samitach i technałahičnych kanfierencyjach, abviaščajučy kankurencyju z takimi hihantami, jak Microsoft i Google.
«Amal adrazu paśla źjaŭleńnia naviny ab svaim zvalnieńni Altman napisaŭ u tvitary, što jamu vielmi spadabałasia pracavać u OpenAI «z takimi talenavitymi ludźmi». Pryčyny zvalnieńnia jon nie nazvaŭ, adznačyŭšy, što dadatkovaja infarmacyja budzie dadziena im paźniej», — pieradaje The Verge.
Kampanija OpenAI była zasnavanaja ŭ 2015 hodzie. U liku zasnavalnikaŭ, akramia Sema Altmana, byŭ taksama i miljarder Iłan Mask, adnak u 2018-m jon pakinuŭ kampaniju, kab nadać bolš uvahi raźvićciu brenda elektramabilaŭ Tesla (paźniej letam 2023 hoda Mask znoŭ viarnuŭsia ŭ halinu štučnaha intelektu, stvaryŭšy novuju kampaniju xAI).
Čytajcie taksama:
Paśla zvalnieńnia hiendyrektara OpenAI pahražaje raspad. Sema Altmana prosiać viarnucca nazad