U Čavuskim rajonie ŭratavali alenia, jaki tapiŭsia na voziery
Ranicaj 28 listapada na vadaschoviščy kala vioski Juškavičy Čavuskaha rajona pravaliŭsia pad lod aleń. Rybaki vyklikali ratavalnikaŭ, paviedamili ŭ Mahiloŭskim abłasnym upraŭleńni MNS.
28.11.2023 / 16:19
«Da našaha pryjezdu aleń užo vybiŭsia ź sił i, kab utrymacca na pavierchni, pakłaŭ hałavu na lod. Rybaki bačyli, što na lod žyviolinu zahnali vaŭki. Lod na vadaschoviščy jašče nie vystajaŭsia, voś i nie vytrymaŭ vahi žyvioły», — paviedamili ŭ Čavuskim adździele MNS.
Pry dapamozie vyratavalnaj doški i viaroŭki supracoŭniki MNS vyciahnuli alenia. «Aleń nie paciarpieŭ. Paśla pieraniesienaha stresu jon adyšoŭ mietraŭ na 10 ad bieraha, trochi palažaŭ, a potym uciok u les».
Čytajcie taksama:
U Barysavie ŭratavali maleńkuju słonku
«A Santu dzie zhubili?» Paru aleniaŭ zaŭvažyli ŭ centry Bierazina