«A Santu dzie zhubili?» Paru aleniaŭ zaŭvažyli ŭ centry Bierazina
U noč na 19 kastryčnika na adnoj z centralnych vulic horada Bierazino zaŭvažyli niezvyčajnych piešachodaŭ. Pasiaredzinie prajeznaj častki niaśpiešna špacyravali dva samyja sapraŭdnyja dzikija aleni, pakul ich nie spudzili zapoźnienyja aŭtamabilisty, piša Telegraf.news.
Na videa, jakim vidavočcy padzialilisia ŭ TikTok, vidać, jak aleni spačatku iduć pasiarod darohi, a kali da ich nabližajecca aŭtamabil, biahuć naŭskač i viartajucca bližej da tratuara.
Na adnym ź videa hracyjoznyja žyvioły pa-sapraŭdnamu pazirujuć pierad kamieraj, pierš čym uciakać.
Schavalisia aleni ŭ dvary šmatpaviarchovika, addaŭšy zacišnym zavułkam pieravahu pierad šyrokaj aśvietlenaj centralnaj vulicaj. Pra dalejšy los žyvioł aŭtar videa ničoha nie paviedamiŭ.
U kamientarach karystalniki sacsietki papraktykavalisia ŭ daścipnaści. Chtości namiakaŭ na toje, što heta zusim nie hości z susiedniaha lesu, jaki prymykaje da horada, a «niečyja mužy z kamandziroŭki», inšy zaŭvažyŭ, što aleniaŭ na darohach nie tolki nočču poŭna — «tolki abličča dniom inšaje».
Była i viersija, što heta nie zvyčajnyja aleni, a tyja samyja, lehiendarnyja kaladnyja, jakija zabłukali ź niejkaj pryčyny na vulicach biełaruskaha haradka. «A Santu dzie zhubili?» — zaniepakoiłasia adna ź dziaŭčat.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary