Zaviali kryminalnuju spravu suprać Uładzimira Chilmanoviča
Žurnalist i pravaabaronca Uładzimir Chilmanovič užo dva z pałovaj hady nie žyvie ŭ Biełarusi. Tydzień tamu ŭ kvatery pa miescy jaho prapiski, pavodle pastanovy nakładańnia śledčymi orhanami aryštu na majomaść, byli apisanyja mebla i staraja ladoŭnia, piša «Haradzienskaja pravaabarona».
01.12.2023 / 22:29
1 śniežnia ŭ kvatery žonki Chilmanoviča, dzie jon žyŭ z 2014 pa 2021 hod, byŭ praviedzieny pieratrus. U vyniku ŭ jaho zabrali pracesar kamputara, staroje paśviedčańnie, 25 knih, muzyčny dysk, paštovyja marki, roznyja kanvierty, paštoŭki, buklety, znački, šmatlikija haziety. Taksama była apisanaja ŭsia bytavaja technika.
Uładzimiru Chilmanoviču inkryminujuć č.1 i č.2 art. 361-4 KK (Sadziejničańnie ekstremisckaj dziejnaści). Fihurujuć častka 1 artykuła (Viarboŭka, inšaje uciahvańnie asoby ŭ ekstremisckuju dziejnaść, navučańnie, a taksama inšaje sadziejničańnie ekstremisckaj dziejnaści), a taksama častka 2 zhadanaha artykułu (Tyja ž dziejańni, ździejśnienyja paŭtorna, albo hrupaj asobaŭ pa papiaredniaj zmovie, albo na pasadzie z vykarystańniem svaich słužbovych paŭnamoctvaŭ).
Pa hetym artykule pahražaje abmiežavańnie svabody ad dvuch da piaci hadoŭ albo pazbaŭleńnie svabody na termin ad troch da siami hadoŭ.
Čytajcie taksama:
Zatrymali pastara Vasila Trubčyka
Maci Marharyty Vorychavaj dali 15 sutak
Siłaviki raskazali svaju viersiju, za što zatrymali 15 studentaŭ u Breście