Siłaviki raskazali svaju viersiju, za što zatrymali 15 studentaŭ u Breście
Učora «Biełsat» paviedamlaŭ, što ŭ Breście schapili 15 studentaŭ. Stali viadomy padrabiaznaści.
Pavodle telehram-kanała, blizkaha da siłavikoŭ, byli zatrymany 15 studentaŭ roznych bresckich navučalnych ustanoŭ, u tym liku Bresckaha dziaržaŭnaha ŭniviersiteta imia Puškina. Čaćviora zatrymanych znachodziacca ŭ izalatary, astatnija na voli.
U publikacyi źjedliva adznačajecca, što maładyja ludzi «pakul jašče na voli». Ich vinavaciać u tym, što «ŭ sacyjalnych sietkach, pablikach, čatach raspaŭsiudžvali nacysckija, fašysckija, ekstremisckija materyjały i parnahrafiju». Pa skrynach, vykładzienych siłavikami, padobna, što studenty dasyłali adno adnamu žarty pra Hitlera (pad adnym ź videa staić podpis «aŭtar hetaha videa z pahardaj stavicca da nacyzmu»).
U minułym niaredka siłaviki padavali zaviedama chłuślivuju infarmacyju ab pryčynach zatrymańniaŭ, kali havorka išła pra palityčnyja spravy.
U hutarcy z čytačom «Našaj Nivy» pieršy prarektar univiersiteta im Puškina Siarhiej Marzan zapeŭnivaŭ, što studentaŭ nie zatrymlivali.
«Nie viedaju, pra jakija zatrymańni havorka. Pieršy raz pra heta čuju…» — zajaŭviŭ jon pa telefonie.
Pra chapun moładzi ŭ Breście paviedamiŭ 30 listapada telekanał «Biełsat». Pavodle jaho, kala 15 čałaviek mahli schapić za padtrymku Ukrainy. Pieratrusy adbylisia ŭ internacie Bresckaha dziaržaŭnaha ŭniviersiteta imia Puškina.
«Naša Niva» — bastyjon biełaruščyny
PADTRYMAĆHladzicie taksama:
Jak u abłaściach abmiarkoŭvali zakonaprajekt ab UNS? Padborka fota z «dyjałohavych placovak»
Biełaruskija siłaviki pryjechali zatrymlivać futbolnaha fanata na mašynie z rasijskimi numarami FOTAFAKT7
U Minsku prajšoŭ vajskovy parad dzietsadaŭcaŭ. Im kamandavaŭ chłopčyk u formie milicyi na elektramabili FOTA6
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka103
Kamientary