U Maładziečnie siłaviki spynili pracu dźviuch słužb taksi
Z 1 śniežnia ŭ Maładziečnie pracuje tolki adna słužba taksi z troch. Pa dziejnaści apierataraŭ pieravozak 152 i 158 milicyja pravodzić pravierku. Hetyja słužby pakul nie akazvajuć pasłuhi pa pieravozcy pasažyraŭ, piša Kraj.by.
04.12.2023 / 11:03
Pa infarmacyi vydańnia, dniom u piatnicu, 1 śniežnia, u ofisy słužbaŭ taksi 152 i 158 pryjšli supracoŭniki milicyi i padatkovaj inśpiekcyi.
Pa papiarednich danych, u haraž pastaŭlena kala 200 mašyn.
U Maładziečanskim RAUS vydańniu paćvierdzili, što zakonnaść dziejnaści hetych pieravozčykaŭ ciapier praviarajecca.
U listapadzie stała viadoma, što KDB raspačaŭ vialikuju spravu kiroŭcaŭ taksi i maršrutčykaŭ za niavypłatu padatkaŭ. Zatrymali 20 čałaviek, jakija, pavodle KDB, užo kampiensujuć naniesienyja straty. Na naradzie 14 listapada Łukašenka anansavaŭ źmieny na rynku pasłuh taksi.