U Minsku kala Bataničnaha sada pačynajuć budavać novy žyły kvartał
Pradpryjemstva «Minskbud» da kanca śniežnia płanuje prystupić da zabudovy kvartała ŭ miežach staličnych vulic Filimonava—Staletava, havorycca ŭ jahonym telehram-kanale. Płošča zabudovy składzie 16,2 ha.
05.12.2023 / 16:26
Płan novaha kvartała. Fota: minskstroybelarus
«Za plačyma vialikaja praca pa znosie avaryjnaha žylla i starych zbudavańniaŭ, demantaž i vynas sietak ź plamy zabudovy», — adznačyli na pradpryjemstvie.
Pieršy dom (pa hienpłanie) budzie 19-paviarchovym na 188 kvater (heta bolš za 11 tys. kvadratnych mietraŭ). Pryznačany jon dla minčukoŭ, jakija žyli ŭ hetym rajonie i čyjo žyllo pajšło pad znos.
Budaŭnictva druhoha vysokaha doma pačniecca ŭ 2024 hodzie, u im budzie 150 kvater.
Usiaho prajektam praduhledžana ŭźviadzieńnie 12 žyłych damoŭ. Tam źjavicca 2413 kvater ahulnaj płoščaj 148 tys. kv. m.
Čytajcie taksama:
Novy dom u «Minsk Śviecie» ad Dana pryvodzić budučych žycharoŭ u žach
Ad 1000 dalaraŭ za «kvadrat». Kolki kaštujuć kvatery ŭ novych ŽK Minska